Ličby jako tekst formatěrować

W LibreOffice Calc móžeće ličby jako tekst formatěrować. Wočińće kontekstowy meni cle abo celoweho wobłuka a wubjerće Cele formatěrować… – rajtark: Ličby a potom „Tekst“ z lisćiny Kategorija. Ličby, kotrež so po tym do formatěrowaneho wobłuka zapodawaja, so jako tekst interpretuja. Tute „ličby“ so na lěwu kromu wusměrjene pokazuja, runje tak kaž druhi tekst.

Jeli sće hižo normalne ličby do celow zapodał a pozdźišo format celow do „Tekst“ změnił, ličby normalne ličby wostanu. Njepřetworjeja so. Jenož po tym zapodate ličby abo ličby, kotrež so potom wobdźěłuja, budu tekstowe ličby.

Jeli so rozsudźeće, ličbu direktnje jako tekst zapodać, zapodajće apostrof (') jako prěnje znamješko. Za lětoličby w špaltowych hłowach na přikład móžeće '1999, '2000 a '2001 zapodać. Apostrof w celi widźomny njeje, podawa jenož, zo zapisk je tekst. To je na přikład wužitne, jeli telefonowe čisło abo póstowe wodźenske čisło zapodawaće, kotrejž so z nulu (0) započinatej, dokelž so nula (0) na spočatku ličboslěda w normalnych ličbnych formatach wotstronja.