Rozšěrjene filtry nałožić

1. Kopěrujće špaltowe hłowy tabelowych wobłukow, kotrež so maja filtrować, do prózdneho wobłuka tabele a zapodajće potom kriterije za filter do linki pod hłowami. Horicontalnje zrjadowane daty w lince so přeco z logiskim A zwjazuja, a wertikalnje zrjadowane daty w špalće so přeco z logiskim ABO zwjazuja.

2. Hdyž sće filtrowu matriks wutworił, wubjerće tabelowe wobłuki, kotrež so maja filtrować. Wubjerće Daty – Dalše filtry – Rozšěrjeny filter…, zo byšće dialog Rozšěrjeny filter wočinił.

3. Klikńće potom na W porjadku a widźiće, zo jenož linki z prěnjotneje tabele, kotrychž wobsah kriterijam wotpowěduje, su widźomne. Wšě druhe linki su nachwilu schowane a dadźa so zaso z přikazom Format – Linki – Pokazać pokazać.

Přikład

Začitajće tabelowy dokument z wulkej ličbu datowych sadźbow. Wužiwamy wumysleny dokument z wobrotami, ale móžeće tež kóždy druhi dokument wužiwać. Dokument ma slědowace wuhotowanje:

	A	B	C	D	E
1	Měsac	Standard	Wobchodniski	Luksus	Suita
2	Januar	125600	200500	240000	170000
3	Februar	160000	180300	362000	220000
4	Měrc	170000			a tak dale …

Kopěrujće linku 1 z linkowymi hłowami (pólne mjena ) na přikład do linki 20. Zapodajće z ABO zwjazane filtrowanske wuměnjenja do linkow 21, 22 a tak dale.

	A	B	C	D	E
20	Měsac	Standard	Wobchodniski	Luksus	Suita
21	Januar
22		>160000

Podajće, zo so jenož linki pokazuja, kotrež pak hódnotu Januar w celach Měsac PAK hódnotu, kotraž je wjetša hač 160000 w celach Standard maja.

Wubjerće Daty – Dalše filtry – Rozšěrjeny filter… a potom wobłuk A20:E22. Po kliknjenju na W porjadku so jenož filtrowane linki pokazuja. Druhe linki so schowaja.