Tabele přemjenować

Postajenje tabelowych mjenow je wažna funkcija za wutworjenje čitajomnych a zrozumliwych tabelowych dokumentow.

Zo byšće tabelu w swojim dokumenće přemjenował:

1. Klikńće dwójce na tabelowy rajtark abo wočińće jeho kontekstowy meni a wubjerće Tabelu přemjenować. Dialogowe polo so jewi, hdźež móžeće nowe mjeno zapodać.

2. Zapodajće nowe mjeno za tabelu a klikńće na W porjadku.

3. Móžeće tež tastu stłóčenu dźeržeć, na někajke tabelowe mjeno kliknyć a nowe mjeno direktnje zapodać.

Wobmjezowanja za pomjenowanje tabelow

Tabelowe mjena móža nimale kóžde znamješko wobsahować. Płaća někotre wobmjezowanja za pomjenowanje, slědowace znamješka w tabelowych mjenach dowolene njejsu:

• dwudypk :

• Wróćosmužka \

• nakósna smužka /

• prašak ?

• hwěžka *

• lěwa róžkata spinka [

• prawa róžkata spinka ]

• jednora pazorka ' jako prěnje abo poslednje znamješko mjena

Jednora pazorka je znamješko Unicode U+0027, tež znate jako apostrof. Druhe jednore pazorki, kotrež su na apostrof podobne, na přikład ʼ ‛ a ‚.

Standardny prefiks za tabelowe mjena wužiwać

Móžeće prefiks za mjena nowych tabelow postajić, kotrež wutworjeće. Wubjerće – LibreOffice Calc – Standard a zapodajće prefiksowe mjeno w Prefiksowe mjeno za nowe dźěłowe łopjeno.

Tabelowe mjena z wosebitymi znamješkami referencować

W celowych poćahach dyrbja so tabelowe mjeno wot jednorych pazorkow ' wobdać, hdyž mjeno druhe znamješka haš alfanumeriske znamješka abo podsmužku wobsahuje. Jedne jednore pazorki w mjenje dyrbja so podwojić (dwoje jednore pazorki).

Na přikład chceće celu A1 w tabeli z mjenom Verdi'owe opery.

Poćah dyrbi wot jednorych pazorkow wobdaty być a jedne jednore pazorki w mjenje dyrbja so podwojić: 'Verdi''owe opery'.A1