Poćahowa syntaksa R1C1 za formle Calc
Calc R1C1 kaž tež dale rozšěrjenu notaciju A1 za celowe poćahi podpěruje.
Notacija R1C1 so w nastajenjach LibreOffice Calc zmóžnja.
Notacija R1C1
W notaciji A1 so špalty z pismikami a linki z ličbami popisuja, mjeztym zo notacija R1C1 ličby za špalty kaž tež linki wužiwa.
W notaciji R1C1 LibreOffice Calc hłowy špaltow jako ličby pokazuje.
Tohodla cela A1 R1C1 wotpowěduje, štož linka 1 a špalta 1 woznamjenja a cela A2 R2C1 wotpowěduje, to rěka linka 2 špalta 1.
Woprawdźity rozdźěl přińdźe, hdyž so formle pisaja a so poćah k druhim celam wužiwa.
W notaciji R1C1 celowe poćahi na swojej poziciji relatiwnje k aktiwnej celi bazuja.
Jeli na přikład celu B5 z cele A1 referencujeće. notacija R1C1 to jako R[4]C[1] pokazuje, podawa štyri linki a jednu špaltu naprawo pódla aktiwneje cele.
Jeli wšak aktiwna cela je C3, so samsna cela (B5) jako [2]C[-1] referencuje, to rěka, dwě lince dele a jednu špaltu dolěwa.
Wužiwanje róžkatych spinkow w notaciji R1C1
Róžkate spinki relatiwne wotchilenje wot aktiwneje cele podawaja.
Pozitiwne ličby w róžkatych spinkach wotchilenje doprawa za špalty a dele za linki reprezentuja.
Negatiwne ličby w róžkatych spinkach wotchilenje dolěwa za špalty a horje za linki reprezentuja.
Jeli wotchilenje za linku abo špaltu njeje (t. r. wotchilenje je nul), so nula w notaciji R1C1 wuwostaja. Poćah k celi w samsnej lince na přikład, ale dwě špalće dolěwa, so jako RC[-2] pisa.
Absolutne a relatiwne poćahi w notaciji R1C1
Relatiwne a absolutne poćahi so w notaciji R1C1 wobchowuja. Slědowaca tabela ekwiwalencu zjima. Aktualna cela je R2C3 (C3)
|
Notacija A1 |
Notacija R1C1 |
Poćahowy typ |
|---|---|---|
|
A1 |
R[-2]C[-2] |
Relatiwny poćah |
|
$A1 |
R[-2]C1 |
Relatiwna linka a absolutna špalta |
|
A$1 |
R1C[-2] |
Absolutna linka a relatiwna špalta |
|
$A$1 |
R1C1 |
Absolutny poćah |
Wobłukowe wurazy w notaciji R1C1
Kaž w notaciji A1 wobłukowe operatory na samsne wašnje funguja. Formla w celi R1C1 na přikład, kotraž linki 1 do 10 w špalće 3 suměruje, so jako =SUM(RC[2]:R[9]C[2]) pisa.
Zo byšće sumu wšěch hódnotow w špaltach 4 do 7 wuličił, pisajće =SUM(C[3]:C[6]) w R2C1.
