Ćišćerske wobłuki za tabelu definować
Móžeće definować, kotry celowy wobłuk tabeloweho dokumenta ma so ćišćeć.
Cele w tabeli, kotrež dźěl definowaneho ćišćerskeho wobłuka njejsu, so njećišća abo njeeksportuja. Tabele bjez definowaneho ćišćerskeho wobłuka so njećišća a do PDF-dataje njeeksportuja, chibazo dokument datajowy format Excel wužiwa.
Za dataje, kotrež su so w formaće Excel wočinili, so wšě tabele, kotrež definowany ćišćerski wobłuk njewobsahuja, ćišća. Samsne zadźerženje wustupuje, hdyž z Excel formatěrowany tabelowy dokument do PDF-dataje eksportujeće.
Zo byšće ćišćerski wobłuk definował:
-
Wubjerće cele, kotrež chceće ćišćeć.
-
Wubjerće Format – Ćišćerske wobłuki – Definować.
Zo byšće ćišćerskemu wobłukej cele přidał:
-
Wubjerće cele, kotrež chceće eksistowacemu ćišćerskemu wobłukej přidać.
-
Wubjerće Format – Ćišćerske wobłuki – Přidać.
Zo byšće ćišćerski wobłuk zhašał:
-
Wubjerće Format – Ćišćerske wobłuki – Zhašeć.
Přehlad łamanja strony za wobdźěłanje ćišćerskich wobłukow wužiwać
W přehledźe łamanja strony so ćišćerske wobłuki a wobłuki łamanja strony so přez módry ramik wobkromuja a wobsahuja centrowane šěre čisło strony. Njećišćomne wobłuki maja šěry pozadk.
Zo byšće nowy wobłuk łamanja strony definował, ćehńće ramik k nowemu městnu. Hdyž nowy wobłuk łamanja strony definujeće, so awtomatiske łamanje strony z manuelnym łamanjom strony wuměnja.
Ćišćerske wobłuki pokazać a wobdźěłać
-
Wubjerće Napohlad – Łamanje strony.
Zo byšće standardny skalowanski faktor přehlada łamanja strony změnił, klikńće dwójce na procentowu hódnotu na statusowej lajsće a wubjerće nowy skalowanski faktor.
-
Wobdźěłajće ćišćerski wobłuk.
Zo byšće wulkosć ćišćerskeho wobłuka změnił, ćehńće ramik wobłuka k nowemu městnu.
Zo byšće manuelne łamanje strony zhašał, kotrež je w ćišćerskim wobłuku, ćehńće ramik łamanja strony z ćišćerskeho wobłuka won.
Zo byšće ćišćerski wobłuk zhašał, ćehńće ramik wobłuka k napřećiwnemu ramikej wobłuka.
-
Zo byšće přehlad łamanja strony wopušćił, wubjerće Napohlad – Normalny.