Tabele w prěčnym formaće ćišćeć

Zo byšće tabelu ćišćał, su wam wjacore interaktiwne nastajenja pod Napohlad – Łamanje strony k dispoziciji. Ćehńće wobmjezowace linije, zo byšće wobłuk celow definował, kotrež so maja ćišćeć.

Zo byšće w prěčnym formaće ćišćał, čińće tole:

1. Přeńdźće k tabeli, kotraž so ma ćišćeć.

2. Wubjerće Format – Předłoha strony ….

   Přikaz widźomny njeje, jeli tabela je ze zmóžnjenym pisanskim škitom wočinjena. Klikńće w tym padźe na symbol Dataju wobdźěłać w symbolowej lajsće Standard.

3. Wubjerće rajtark Strona. Wubjerće papjerowy format Prěčny format a klikńće na W porjadku.

4. Wubjerće Dataja – Ćišćeć…. Widźiće dialog Ćišćeć.

   Wotwisujo wot ćišćerskeho ćěrjaka a dźěłoweho systema je snano trjeba, na tłóčatko Kajkosće kliknyć a waš ćišćak na prěčny format stajić.

5. Wubjerće w dialogu Ćišćeć na rajtarku Powšitkowne wobsah, kotryž so ma ćišćeć.

   Wšě tabele ćišćeć – Wšě tabele so ćišća.

   Wubrane tabele ćišćeć – Jenož wubrane tabele so ćišća. Wšě tabele, kotrychž mjena su deleka w tabelowych rajtarkach wubrane, so ćišća. Móžeće tutón wuběr změnić, hdyž tłóčiće, mjeztym zo na mjeno tabele klikaće.

   Wubrane cele ćišćeć – Wšě wubrane cele so ćišća.

6. Ze wšěch ćišćerskich stronow, kotrež z wuběra horjeka wuńdu, móžeće wobłuk ćišćerskich stronow wubrać, kotryž so ma ćišćeć:

   Wšě strony – Wšě strony so ćišća.

   Strony – Zapodajće strony, kotrež so maja ćišćeć. Strony so wot prěnjeje tabele liča. Jeli w přehledźe łamanja strony widźiće, zo tabela Tabela1 so na 4 stronach ćišći a chceće prěnjej dwě stronje tabele Tabela2 ćišćeć, zapodajće tu 5-6.

Jeli sće pod Format – Ćišćerske wobłuki jedyn ćišćerski wobłuk abo wjacore ćišćerske wobłuki nastajił, so jenož wobsah tutych ćišćerskich wobłukow ćišći.