Komentary zasadźić a wobdźěłać

Wubjerće Zasadźić – Komentar, zo byšće kóždej celi komentar připokazał. Komentar so přez mały čerwjeny kwadrat, komentarowy indikator, w celi woznamjenja.

• Komentar je widźomny, hdyžkuli pokazowak myški je nad celu.

• Hdyž celu wuběraće, móžeće Komentar pokazać z kontekstoweho menija cele wubrać. Přez to komentar widźomny wostawa, doniž přikaz Komentar pokazać ze samsneho kontekstoweho menija njeznjemóžnjeće.

• Zo byšće stajnje widźomny komentar wobdźěłał, klikńće prosće na njón. Jeli cyły tekst komentara zhašeće, so komentar sam zhaša.

• Přesuńće kóždy komentar abo změńće jeho wulkosć po swojim dobrozdaću.

• Postajće pozadkowu barbu, transparencu, ramikowy stil a tekstowe wusměrjenje, zo byšće kóždy komentar formatěrował. Wubjerće přikazy z kontekstoweho menija komentara.

• Zo byšće komentarowy indikator pokazał abo schował, wubjerće – LibreOffice Calc – Napohlad a zmóžńcé abo znjemóžńće kontrolny kašćik Komentarowy indikator.

Zo byšće za wubranu celu pokiw pokazał, wužiwajće Daty – Płaćiwosć… – rajtark: Zapodawanska pomoc.