Tastowe skrótšenki (LibreOffice Calc bjezbarjernosć)
Hlejće tež lisćiny tastowych skrótšenkow za LibreOffice Calc a LibreOffice powšitkownje.
Někotre tastowe skrótšenki dadźa so wašemu desktopowemu systemej připokazać. Tasty, kotrež so desktopowemu systemej připokazuja, za LibreOffice k dispoziciji njejsu. Spytajće druhe tasty pak za LibreOffice w Nastroje – Přiměrić… – Rajtark: Tastatura pak w swojim desktopowym systemje připokazać.
Modus celoweho wuběra
Tłóčće w tekstowym polu, kotrež ma tłóčatko za miniměrowanje dialoga, F2, zo byšće do modusa celoweho wuběra zastupił. Wubjerće jednu celu abo wjacore cele a tłóčće potom F2 znowa, zo byšće dialog pokazał.
W modusu celoweho wuběra móžeće zwučene nawigaciske tasty wužiwać, zo byšće cele wubrał.
Rozrjad wodźić
Móžeće tastaturu w rozrjedźe wužiwać:
-
Tłóčće F6 abo Umsch (⇧)+F6, doniž wertikalne abo horicontalne rozrjadowanske wokno fokus nima.
-
Tabulator (↹) – přeběži wšě widźomne tłóčatka wothorjeka dele abo wotlěwa doprawa.
-
Umsch+tabulator (⇧+↹) – přeběži wšě widźomne tłóčatka k napřećiwnemu směrej.
-
cmd ⌘+1 do cmd ⌘+8Strg+1 do Strg+8 – wšě runiny hač do podateho čisła pokazać; wšě wyše runiny schować.
-
Wužiwajće + abo -, zo byšće rozrjadowansku skupinu z fokusom pokazał abo schował.
-
Tłóčće Enter (↵), zo byšće tłóčatko z fokusom aktiwizował.
-
Wužiwajće šipk Horje (↑), Dele (↓), Nalěwo (←) abo Naprawo (→), zo byšće wšě tłóčatka w aktualnej runinje přeběžał.
Rysowanski objekt abo grafiku wubrać
-
Wubjerće Napohlad – Symbolowe lajsty – Rysowanka, zo byšće symbolowu lajstu Rysowanka wočinił.
-
Tłóčće F6, doniž symbolowa lajsta Rysowanka wubrana njeje.
-
Jeli wuběranski nastroj je aktiwny, tłóčće cmd ⌘Strg+Enter. To prěni rysowanski objekt abo prěnju grafiku w tabeli wuběra.
-
Z cmd ⌘Strg+F6 stajeće fokus do dokumenta.
Nětko móžeće tabulator (↹), zo byšće přichodny rysowanski objekt abo přichodnu grafiku wubrał a Umsch+tabulator (⇧+↩), zo byšće předchadny rysowanski objekt abo předchadnu grafiku wubrał.