Tabele w HTML składować a wočinić

Tabele w HTML składować

LibreOffice Calc wšě tabele dokumenta Calc hromadźe jako HTML-dokument składuje. Na spočatku HTML-dokumenta, so nadpismo a lisćina hyperwotkazow awtomatisce přidawatej, kotrež k jednotliwym tabelam w dokumenće wjedu.

Ličby so jako napisane pokazuja. Nimo toho so w HTML-značce <SDVAL> dokładna nutřkowna ličbna hódnota pisa, zo byšće po wočinjenju HTML-dokumenta z LibreOffice wědźał, zo maće dokładne hódnoty.

1. Zo byšće aktualny dokument Calc jako HTML składował, wubjerće Dataja – Składować jako….

2. Wubjerće w lisćinowym polu Dateityp (słuša k dźěłowemu systemej) we wobłuku z filtrami LibreOffice Calc datajowy typ „HTML-dokument (LibreOffice Calc)“.

3. Zapodajće datajowe mjeno do pola „Dateiname“ (słuša k dźěłowemu systemej) a klikńće na Speichern (słuša k dźěłowemu systemej).

Tabele jako HTML wočinić

LibreOffice wšelake filtry za wočinjenje HTML-datajow skići, kotrež móžeće pod Dataja – Wočinić… w lisćinowym polu Dateityp (słuša k dźěłowemu systemej) wubrać:

• Wubjerće datajowy typ „HTML-dokument (LibreOffice Calc)“, zo byšće w LibreOffice Calc wočinił.

  Wšě nastajenja LibreOffice Calc su wam nětko k dispoziciji. Ale nic wšě nastajenja, kotrež LibreOffice Calc za wobdźěłowanje skići, dadźa so w HTML-formaće składować.