Pomoc za LibreOffice 24.2
Z pomocu pytanja cilowych hódnotow móžeće hódnotu wuličić, kotraž jako dźěl formle k wuslědkej wjedźe, kotryž za formlu podawaće. Definujeće tuž formlu z wjacorymi njezměnitymi hódnotami a jednej wariabelnej hódnotu a wuslědk formle.
Zo byšće lětnu dań (I) wuličił, wutworće tabelu z hódnotami za kapital (K), ličbu lět (n) a danjowej sadźbu (i). Formla je:
I = K * n* i
Připušćmy, zo danjowa sadźba i 7,5 % a ličba lět n (1) stej njezměnitej. Chceće wšak wědźeć, kak jara dyrbjał so zasadźeny kapital C změnić, zo byšće wěsty wunošk I docpěł. Wuličće na přikład, kelko kapitala C by trěbne było, jeli chceće lětny wunošk 15.000 € docpěć.
Zapodajće přisłušne hódnoty za Kapital K (někajkažkuli hódnota kaž 100.000 €, ličbu lět n (1) a danjowu sadźbu i (7,5 % do dateje cele. Zapodajće formlu, zo byšće dań I w druhej celi wuličił. Město K, n a i wužiwaće poćah na celu z wotpowědnej hódnotu.
Stajće kursor do cele, kotraž dań I wobsahuje a wubjerće Nastroje – Cilowu hódnotu pytać…. Dialog Cilowu hódnotu pytać so zjewi.
Prawa cela je hižo do pola Formlowa cela zapodata.
Stajće kursor do pola Přeměnjata cela. Klikńće w tabeli do cele, kotraž hódnotu wobsahuje, kotraž so ma změnić, w tutym přikładźe je to cela z kapitalowej hódnotu K.
Zapodajće wočakowany wuslědk formle do tekstoweho pola Cilowa hódnota. W tutym přikładźe je to 15.000. Klikńće na W porjadku.
Dialog so zjewi, kotryž wam zdźěla, zo pytanje cilowych hódnotow běše wuspěšne. Klikńće na Haj, zo byšće wuslědk do cele z přeměnjatej hódnotu zapodał.