Formle zapodać

Móžeće formle na wšelake wašnja zapodać: Wužiwajće symbole, zapodajće je z tastaturu abo wužiwajće měšeńcu wobeju metodow.

  1. Klikńće do cele, do kotrejež chceće formlu zapodać.

  2. Klikńće na symbol Formla w formlowej lajsće.

    Widźiće znak runosće w zapodawanskej lince a móžeće započeć, formlu zapodawać.

  3. Po tym zo sće trěbne hódnoty zapodał, tłóčće Enter abo klikńće na Akceptěrować, zo byšće wuslědk do aktiwneje cele zasadźił. Jeli chceće swoje zapodaće w zapodawanskej lince zhašeć, tłóčće Esc abo klikńće na Přetorhnyć.

Móžeće tež hódnoty a formle direktnje do celow zapodawać, samo hdyž zapodawanski kursor njewidźiće. Formle dyrbja so přeco ze znakom runosće započeć.

Móžeće tež tastu + abo - na numeriskej tastaturje tłóčić, zo byšće formlu zapodał. Tasta Num (⇩) dyrbi zmóžnjena być. Tłóčće na přikład slědowace tasty:

+ 5 0 - 8 Enter

Widźiće wuslědk 42 w celi. Cela formlu =50-8 wobsahuje.

Symbol za Notica

Jeli formlu z poćahami wobdźěłujeće, so poćahi a přisłušne cele ze samsnej barbu wuzběhuja. Móžeće nětko wulkosć poćahoweho ramika z myšku změnić, a poćah w formli, kotraž so w zapodawanskej lince pokazuje, so tež změni. Nastajenje Poćahi barbnje pokazać da so pod – LibreOffice Calc – Napohlad znjemóžnić.


Symbol Pokiw

Jeli chceće sej wobličenje jednotliwych elementow formle wobhladać, wubjerće wotpowědne elementy a tłóčće F9. Wubjerće na přikład w formli SUMA(A1:B12)*SUMA(C1:D12) wotrězk SUMA(C1:D12) a tłóčće F9, zo byšće sej mjezywuslědk za tutón wobłuk wobhladał.


Jeli zmylk nastawa, hdyž formlu wutworjeće, so zmylkowa zdźělenka w aktiwnej celi jewi.

Podobne temy

Z formlemi ličić

Formlowa lajsta

Hódnoty zapodać

Wjacore tabele wužiwać

Po rajtarkach tabele nawigěrować

Prošu podpěrajće nas!