Formle kopěrować

Su wjacore móžnosće, z kotrymiž móžeće formlu kopěrować. Jedna namjetowana metoda je:

1. Wubjerće celu, kotraž formlu wobsahuje.

2. Wubjerće Wobdźěłać – Kopěrować abo tłóčće +C, zo byšće ju kopěrował.

3. Wubjerće celu, do kotrejež chceće formlu kopěrować.

4. Wubjerće Wobdźěłać – Zasadźić abo tłóčće +V. Formla so w nowej celi zasadźi.

Jeli chceće formlu do wjacorych celow kopěrować, je spěšna a lochka metoda, zo byšće ju do susodnych celowych wobłukow kopěrował:

1. Wubjerće celu, kotraž formlu wobsahuje.

2. Stajće kursor myški deleka naprawo do wuzběhnjeneho ramika cele a dźeržće tastu myški stłóčenu, doniž so pokazowak myški do nitkoweho křiža njezměni.

3. Ćehńće ze stłóčenej tastu myški dele abo naprawo přez cele, do kotrychž chceće formlu kopěrować.

4. Hdyž tastu myški pušćeće, so formla do celow kopěruje a awtomatisce přiměrja.

Jeli nochceće, zo so hódnoty a teksty awtomatisce přiměrjeja, dźeržće tastu stłóčenu, mjeztym zo ćahaće. Formle wšak so přeco přiměrjeja.