Ličby z decimalnymi městnami formatěrować
Zapodajće ličbu do tabele, na přikład 1234,5678. Tuta ličba so w standardnym ličbnym formaće pokaza, z dwěmaj decimalnymaj městnomaj. Budźeće 1234,57 widźeć, hdyž zapodaće wobkrućeće. Jenož zwobraznjenje w dokumenće so skruži; ale ličba internje wšě štyri decimalne městna za decimalnej komu wobchowuje.
Zo byšće ličby z decimalnymi městnami formatěrował:
-
Stajće kursor na ličbu a wubjerće Format – Cele…, zo byšće dialog Cele formatěrować wočinił.
-
W rajtarku Ličby widźiće wuběr předdefinowanych ličbnych formatow. Deleka naprawo w dialogu widźiće přehlad, kak by waša aktualna ličba wupadała, jeli byšće jej wěsty format dał.
Jeli jenož chceće ličbu pokazanych decimalnych městnow změnić, wužiwajće prosće symbol Ličbny format: Decimalne městno přidać abo Ličbny format: Decimalne městno zhašeć w symbolowej lajsće Formatěrowanje.