W Calc pytać a wuměnić
W tabelowych dokumentach móžeće słowa, formle a předłohi pytać. Móžeće wot jednoho wuslědka do druheho nawigěrować, abo móžeće wšě wotpowědne cele naraz wuzběhnyć, potom druhi format nałožić abo wobsah cele z druhim wobsahom wuměnić.
Dialog „Pytać a wuměnić“
Cele móža tekst abo ličby wobsahować, kotrež so direktnje kaž w tekstowym dokumenće zapodawaja. Ale cele móža tež tekst abo ličby jako wuslědk wobličenja wobsahować. Jeli na přikład cela formlu =1+2 wobsahuje, so wuslědk 3 pokazuje. Dyrbiće rozsudźić, hač chceće za 1 respektiwnje 2 abo za 3 pytać.
Zo byšće formle abo hódnoty pytał:
Móžeće w dialogu „Pytać a wuměnić“ podać, hač chceće pak dźěle formlow pak wuslědki wobličenja pytać.
-
Wubjerće Wobdźěłać – Pytać a wuměnić…, zo byšće dialog „Pytać a wuměnić“ wočinił.
-
Klikńće na Dalše nastajenja, zo byšće dialog rozšěrił.
-
Wubjerće „Formle“ abo „Hódnoty“ w lisćinowym polu Pytać w.
Z „Formle“ namakaće wšě dźěle formlow.
Z „Hódnoty“ namakaće wuslědki wobličenjow.
Celowy wobsah da so na rozdźělne wašnja formatěrować. Ličba na přikład da so jako měna formatěrować, zo by so měnowy symbol pokazał. Tute symbole so do pytanjow zapřijimaja, hdyž pytanske nastajenje „Formatěrowana pokazka“ je zaktiwizowane.
Tekst pytać
-
Wubjerće Wobdźěłać – Pytać a wuměnić…, zo byšće dialog „Pytać a wuměnić“ wočinił.
-
Zapodajće tekst, kotryž so ma pytać, do tekstoweho pola Pytać.
-
Klikńće pak na Přichodny pytać pak na Wšě pytać.
Hdyž na Přichodny pytać klikaće, Calc přichodnu celu wuběra, kotruž waš tekst wobsahuje. Móžeće tekst wobhladać a wobdźěłać a potom znowa na Přichodny pytać kliknyć, zo byšće k přichodnej namakanej celi pokročował.
-
Jeli sće dialog začinił, móžeće tastowu kombinaciju cmd ⌘Strg+Umsch (⇧)+F tłóčić, zo byšće přichodnu celu namakał, bjeztoho zo byšće dialog wočinił.
-
Calc po standardźe aktualnu tabelu přepytuje. Zmóžńće kontrolny kašćik Wšě tabele, zo byšće wšě tabele dokumenta přepytał.
Hdyž na Wšě pytać klikaće, Calc wšě cele wuběra, kotrež waš pytanski wuraz wobsahuja. Nětko móžeće na přikład wšě namakane cele tučne formatěrować abo celowu předłohu na wšě naraz nałožić.
Nawigator
-
Wubjerće Napohlad – Nawigator, zo byšće wokno Nawigatora wočinił.
Nawigator je hłowny nastroj za pytanje a wuběranje objektow.
Wužiwajće Nawigator, zo byšće objekty a wotkazy w samsnym dokumenće abo z druhich wočinjenych dokumentow zasadźił.