Filtry nałožić
Filtry a rozšěrjene filtry wam zmóžnjeja, na wěstych filtrowanych linkach (datowych sadźbach) datoweho wobłuka dźěłać. W tabelowych dokumentach w LibreOffice su wšelake móžnosće za nałožowanje filtrow.
-
Jedne wužiće za funkciju Awtomatiski filter je, zo jenož datowe sadźby z identiskimi zapiskami w datowym polu pokazuje.
-
W dialogu Standardny filter móžeće tež wobłuki definować, kotrež hódnoty we wosebitych datowych polach wobsahuja. Móžeće standardny filter wužiwać, zo byšće wuměnjenja z logiskim operatorom A abo z logiskim operatorom ABO zwjazał.
-
Rozšěrjeny filter hač do wosom filtrowych wuměnjenjow zmóžnja. Z rozšěrjenymi filtrami móžeće wuměnjenja direktnje do tabele zapodać.
Zo byšće filter wotstronił, zo byšće wšě cele zaso widźał, klikńće do wobłuka, hdźež so filter nałožuje a wubjerće potom .
Hdyž wjacore linki z wobłuka wuběraće, w kotrymž je so filter nałožił, móže tutón wuběr linki wobsahować, kotrež su widźomne a linki, kotrež su so přez filter schowali. Jeli potom formatěrowanje nałožujeće, abo wubrane linki zhašeće, so tuta akcija jenož na widźomne linki nałožuje. Schowane linki potrjechene njejsu.
To je nawopačne k linkam, kotrež sće manuelnje z přikazom Format – Linki – Linki schować schował. Manuelnje schowane linki so zhašeja, hdyž wuběr zhašeće, kotryž je wobsahuje.