Pivotowe tabele filtrować

Móžeće filtry wužiwać, zo byšće njewitane daty z pivotoweje tabele wotstronił.

Klikńće na tłóčatko Filter w tabeli, zo byšće dialog za filtrowanske wuměnjenja wuwołał. Abo móžeće kontekstowy meni pivotoweje tabele wuwołać a přikaz Filter wubrać. Dialog Filter so zjewi. Tu móžeće pivotowu tabelu filtrować.

Móžeće tež na šipk na tłóčatce w pivotowej tabeli kliknyć, zo byšće wuskakowace wokno pokazał. W tutym wuskakowacym woknje móžeće nastajenja widźomnosće přisłušneho pola wobdźěłać.

• Wuskakowace wokno lisćinu pólnych elementow pokazuje, kotrež su z tym polom zwjazane. Kontrolny kašćik je nalěwo pódla mjena kóždeho pólneho elementa. Hdyž polo ma alternatiwne pokazowanske mjeno, kotrež so wot originalneho mjena rozeznawa, so te mjeno w lisćinje pokaza.

• Zmóžńće abo znjemóžńće kontrolny kašćik, zo byšće přisłušny pólny element w pivotowej tabeli pokazał abo schował.

• Zmóžńće abo znjemóžńće kontrolny kašćik Wšě, zo byšće wšě pólne elementy pokazał abo zo njebyšće žadyn pólny element pokazał.

• Wubjerće pólny element we wuskakowacym woknje a klikńće na tłóčatko Jenož aktualny zapisk pokazać, zo byšće jenož wubrany pólny element pokazał. Wšě druhe pólne elementy su w pivotowej tabeli schowane.

• Wubjerće pólny element we wuskakowacym woknje a klikńće na tłóčatko Jenož aktualny zapisk schować, zo byšće jenož wubrany pólny element schował. Wšě druhe pólne elementy so w pivotowej tabeli pokazuja.

• Přikazy wam zmóžnjeja, pólne elementy w postupowacym abo spadowacym porjedźe abo z pomocu swójskeje sortěrowanskeje lisćiny sortěrować.

• Zo byšće swójske sortěrowanske lisćiny wobdźěłał, wočińće – LibreOffice Calc – Sortěrowanske lisćiny.

• Šipk za wočinjenje wuskakowaceho wokna je zwjetša čorny. Hdyž polo jedyn schowany pólny element abo wjacore schowane elementy wobsahuje, je šipk módry a pokazuje mały kwadrat deleka naprawo.

• Móžeće tež wuskakowace wokno wočinić, hdyž celowy kursor pola tłóčatka pozicioněrujeće a +D tłóčiće.

Dataju z přikładom wočinić: