Celowe wobłuki filtrować

Móžeće wjacore filtry wužiwać, zo byšće celowe wobłuki w tabelowych dokumentach filtrował. Standardny filter nastajenja wužiwa, kotrež podawaće, zo byšće daty filtrował. Awtomatiski filter daty po wěstej hódnoće abo po wěstym znamješkowym rjećazku filtruje. Rozšěrjeny filter filtrowe kriterije z podatych celow wužiwa.

Zo byšće standardny filter na celowy wobłuk nałožił:

1. Klikńće na celowy wobłuk.

2. Wubjerće Daty – Dalše filtry – Standardny filter….

3. Podajće požadane filtrowe nastajenja w dialogu Standardny filter.

4. Klikńće na W porjadku.

   Datowe sadźby so pokazuja, kotrež filtrowym nastajenjam wotpowěduja, kotrež sće podał.

Zo byšće awtomatiski filter na celowy wobłuk nałožił:

1. Klikńće na celowy wobłuk abo wobłuk datoweje banki.

   

   Jeli chceće wjacore awtomatiske filtry na samsnu tabelu nałožić, dyrbiće najprjedy wobłuki datoweje banki definować a potom awtomatiske filtry na wobłuki datoweje banki nałožić.

   
   

2. Wubjerće Daty – Awtomatiski filter.

   Šipkowe tłóčatko so kóždej špaltowej hłowje we wobłuku datoweje banki přidawa.

3. Klikńće na šipkowe tłóčatko w špalće, kotraž hódnotu abo znamješkowy rjećazk wobsahuje, kotrejž chceće jako filtrowej kriteriji nastajić.

4. Wubjerće hódnotu abo znamješkowy rjećazk, kotrejž chceće jako filtrowej kriteriji wužiwać.

   Datowe sadźby, kotrež wubranym filtrowym kriterijam wotpowěduja, so pokazuja.

Zo byšće filter z celoweho wobłuka wotstronił:

1. Klikńće do filtrowaneho celoweho wobłuka.

2. Wubjerće Daty – Dalše filtry – Filter wróćo stajić.