Tekstowe CSV-dataje wočinić a składować

Přez komu dźělene hódnoty (CSV) je format tekstoweje dataje, kotryž móžeće wužiwać, zo byšće daty z datoweje banki abo tabeloweho dokumenta mjez nałoženjemi wuměnił. Kóžda linka w tekstowej CSV-dataji datowu sadźbu w datowej bance reprezentuje, abo linku w tabelowym dokumenće. Kóžde polo w datowej sadźbje datoweje banki abo kóžda cela w tabelowym dokumenće so zwjetša přez komu dźělena wužiwa. Móžeće wšak druhe znamješka wužiwać, zo byšće polo wotmjezował, na přikład tabulator.

Jeli polo abo cela komu wobsahuje, dyrbi so polo abo cela z jednorymi pazorkami (') abo dwójnymi pazorkami (") wobdać.

Zo byšće tekstowu CSV-dataju w Calc wočinił:

Wubjerće Dataja – Wočinić….
Pytajće za CSV-dataju, kotruž chceće wočinić.

Jeli dataja ma kóncowku *.csv, wubjerće dataju.

Jeli CSV-dataja ma druhu kóncowku, wubjerće dataju a potom „Tekst csv“ w dialogu Datajowy typ
Wubjerće kontrolny kašćik Filtrowe nastajenja wobdźěłać, zo byšće dialog Tekstowy import wočinił a importowe nastajenja za wotmjezowane daty nastajił. Jeli kontrolny kašćik Filtrowe nastajenja wobdźěłać wubrany njeje, LibreOffice nastajenja poslednjeje operacije tekstoweho importa wužiwa.
Klikńće na Öffnen. (słuša k dźěłowemu systemej)

Jeli kontrolny kašćik Filtrowe nastajenja wobdźěłać je wubrany, so dialog Tekstowy import wočini. Potom:

Podajće nastajenja, zo byšće tekst w dataji do špaltow rozdźělił.
Klikńće z prawej tastu myški do přehlada, zo byšće špaltu formatěrował abo schował.
Klikńće na W porjadku.

Markěrujće kašćik tekstoweho dźělatka, kotryž znamješku wotpowěduje, kotrež so ma jako tekstowe dźělatko w dataji wužiwać. Jeli dźělatko podate njeje, zapodajće znamješko do zapodawanskeho pola.

Zo byšće tabelu jako tekstowu CSV-dataju składował:

Hdyž tabelowy dokument do CSV-formata eksportujeće, so jenož daty aktualneje tabele składuja. Wšě druhe informacije, mjez nimi formle a formatěrowanje, so zhubja.

Wočińće tabelu Calc, kotruž chceće jako dataju tekstoweho CSV składować.

Jenož aktualna tabela da so eksportować.
Wubjerće Dataja – Składować jako.
Zapodajće mjeno za dataju do pola Dateiname. (Słuša k dźěłowemu systemej)
Wubjerće „Text CSV“ w polu Datajowy typ.
(Na přeće) Postajće pólne nastajenja za dataju tekstoweho CSV.

Wubjerće Filtrowe nastajenja wobdźěłać.

Wubjerće w dialogu Tekst eksportować požadane nastajenja.

Klikńće na W porjadku.
Klikńće na Składować.

Tekstowe CSV-dataje z formlemi importować a eksportować

Daty w Base importować a eksportować

– LibreOffice Calc – Napohlad

Tekstowe dataje eksportować

Tekstowe dataje importěrować