Daty konsolidować

Při konsolidowanju so wobsah celow z rozdźělnych tabelow na jednym městnje kombinuje.

Zo byšće celowy wobsah kombinował:

1. Wočińće dokument, kotryž celowe wobłuki wobsahuje, kotrež so maja konsolidować.

2. Wubjerće Daty – Konsolidować…, zo byšće dialog Konsolidować wočinił.

3. Wubjerće z pola Wobłuk žórłowych datow žórłowy celowy wobłuk, zo byšće jón z druhimi wobłukami konsolidował.

   Jeli wobłuk mjeno nima, klikńće do pola pódla Wobłuk žórłowych datow. Błyskotacy tekstowy kursor so zjewi. Zapodajće poćah za prěni wobłuk žórłowych datow abo wubjerće wobłuk z myšku.

4. Klikńće na Přidać, zo byšće wubrany wobłuk do pola Konsolidaciske wobłuki zasadźił.

5. Wubjerće přidatne wobłuki a klikńće na Přidać po kóždym wuběrje.

6. Wubjerće cilowy wobłuk z pola Wuslědki kopěrować, zo byšće podał, hdźež so ma wuslědk pokazać.

   Jeli cilowy wobłuk mjeno nima, klikńće do pola pódla Wuslědki kopěrować a zapodajće poćah ciloweho wobłuka. Móžeće wšak tež wobłuk z myšku wubrać abo kursor do cele horjeka nalěwo w cilowym wobłuku stajić.

7. Wubjerće funkciju z pola Funkcija. Funkcija podawa, kak so hódnoty konsolidaciskich wobłukow zwjazuja. Funkcija „Suma“ je standardne nastajenje.

8. Klikńće na W porjadku, zo byšće wobłuki konsolidował.

Přidatne nastajenja

Klikńće na Wjace w dialogu Konsolidować, zo byšće přidatne nastajenja pokazał.

• Wubjerće Ze žórłowymi datami zwjazać, zo byšće formle zasadźił, kotrež wuslědki w cilowym wobłuku generuja a nic woprawdźite wuslědki. Jeli daty zwjazujeće, so w žórłowym wobłuku změnjene hódnoty w cilowym wobłuku awtomatisce aktualizuja.

  Wotpowědne celowe poćahi w cilowym wobłuku so w na so slědowacych linkach zasadźuja, kotrež so awtomatisce rjaduja a potom chowaja. Jenož kónčny wuslědk so na zakładźe wubraneje funkcije pokazuje.

• Wubjerće pod Konsolidować po pak Linkowe popisy abo Špaltowe popisy, jeli cele wobłuka žórłowych datow nimaja so po identiskej poziciji cele we wobłuku konsolidować, ale město toho po wotpowědnym linkowym abo špaltowym popisu.

  Zo byšće po linkowych abo špaltowych popisach konsolidował, dyrbi popis we wubranych žórłowych wobłukach wobsahowany być.

  

  Tekst w popisach dyrbi identiski być, zo bychu linki abo špalty dadźa so prawje přirjadowali. Jeli linkowy abo špaltowy popis žanomu wotpowěduje, kotryž w cilowym wobłuku, budźe so jako nowa linka abo špalta připowěšeć.

  
  

Daty z konsolidaciskich wobłukow a ciloweho wobłuka so składuja, hdyž dokument składujeće. Jeli pozdźišo dokument wočinjeće, w kotrymž je so konsolidacija definowała, budu te daty zaso k dispoziciji.