Poćahi na URL

Připušćmy, zo sće internetnu stronu namakał, kotraž aktualne bursowe informacije w tabelowych celach wobsahuje, móžeće tutu stronu w LibreOffice Calc začitać, hdyž takle postupujeće:

1. Stajće w dokumenće LibreOffice Calc kursor do cele, do kotrejež chceće eksterne daty zasadźić.

2. Wubjerće Tabela – Eksterne zwjazanja…. Dialog Eksterne daty so zjewi.

3. Zapodajće URL dokumenta abo webstrony do dialoga. URL dyrbi w formaće http://www.my-bank.com/table.html być. URL za lokalne dataje abo dataje lokalneje syće je w šćežce kaž w dialogu Datajowy – Wočinić….

   LibreOffice webstronu abo dataju w „pozadku“ začita, to rěka, bjeztoho by so pokazała. We wulkim lisćinowym polu dialoga Eksterne daty móžeće mjeno wšěch tabelow abo pomjenowanych wobłukow widźeć, z kotrychž móžeće wubrać.

4. Wubjerće jednu tabelu abo jedyn pomjenowany wobłuk abo wjace. Móžeće tež awtomatisku aktualizowansku funkciju z interwalom „n“ sekundow aktiwizować a na W porjadku kliknyć.

   Wobsah so jako zwjazanje do dokumenta LibreOffice Calc zasadźi.

5. Składujće swój tabelowy dokument. Hdyž jón pozdźišo wočinjeće, budźe LibreOffice Calc zwjazane cele po naprašowanju aktualizować.

6. Pod – LibreOffice Calc – Powšitkowne móžeće wubrać, hač so ma aktualizacija při wočinjenju přewjesć, pak přeco, na naprašowanje pak ženje. Aktualizacija da so manuelnje w dialogu Wobdźěłać – Zwjazanja… startować.