Celu w druhej tabeli referencować

W tabelowej celi móžeće poćah na celu w druhej tabeli pokazać.

Runje tak da so poćah na celu z druheho dokumenta wutworić, pod wuměnjenjom, zo tutón dokument je so hižo jako dataja składował.

Poćah na celu w samsnym dokumenće

1. Wočińće nowy, prózdny tabelowy dokument. Po standardźe ma jenož jednu tabelu z mjenom Tabela1. Klikńće na tłóčatko + nalěwo pódla tabeloweho rajtarka deleka, zo byšće druhu tabelu přidał (rěka po standardźe Tabela2).

2. Zapodajće na přikład slědowacu formlu do cele A1 tabele Tabela1:

   Tabela2.A1

3. Klikńće na rajtark Tabela2 deleka w tabelowym dokumenće. Stajće kursor do cele A1 a zapodajće tekst abo ličbu.

4. Jeli so k Tabela1 wróćeće, budźeće samsny wobsah tam w celi A1 widźeć. Jeli so wobsah tabele Tabela2.A1 změni, so wobsah tabele Tabela1.A1 tež změni.

Zo byšće poćahi na cele w druhim dokumenće wutworił:

1. Wubjerće Dataja – Wočinić…, zo byšće eksistowacy tabelowy dokument začitał.

2. Wubjerće Dataja – Nowy, zo byšće nowy tabelowy dokument wočinił. Stajće kursor do cele, hdźež chceće eksterne daty zasadźić a zapodajće znamješko runosće, zo byšće podał, zo chceće formlu zapodać.

3. Přeńdźće nětko k dokumentej, kotryž sće runje začitał. Klikńće do cele z datami, kotrež chceće do noweho dokumenta zasadźić.

4. Wróćće so k nowemu tabelowemu dokumentej. W zapodawanskej lince nětko widźiće, kak LibreOffice Calc je poćah na formlu za was přidał.

   Poćah na celu druheho dokumenta połne mjeno druheho dokumenta mjez jednorymi pazorkami (') wobsahuje, potom haš # a potom mjeno tabele druheho dokumenta, sćěhowane wot dypka a mjena abo poćaha cele.

   Na přikład .

   

   URI šćežki a dokumentoweho mjena dyrbi so přeco z jednorymi pazorkami wobdać. Jeli mjeno jednore pazorki (') wobsahuje, dyrbja so z dwěmaj jednorymaj pazorkomaj ('') maskěrować. Jenož mjeno tabele njesmě so do pazorkow stajić, jeli mjezotu abo znamješko, kotrež je operator wobsahuje, abo mjeno njeje čisće numeriske (na přikład '123' dyrbi w pazorkach stać).

   
   

5. Klikńće na zelenu hóčku, zo byšće formlu wobkrućił.

6. Jeli kašćik deleka naprawo w aktiwnej celi ćahaće, zo byšće celowy wobłuk wubrał, LibreOffice wotpowědne poćahi awtomatisce do susodnych celow zasadźuje. Potom so mjeno tabele ze znamješkom „$“ započina, zo by so jako absolutny poćah woznamjenił.

Hdyž sej mjeno druheho dokumenta w tutej formli wobhladujeće, pytnjeće, zo je jako URL napisane. To rěka, zo móžeće tež URL z interneta zapodać.