Swójske ramiki w celach

Móžeće wjele linijowych stilow na wubrane cele nałožić.

1. Wubjerće celu abo celowy blok.

2. Wubjerće Format – Cele…

3. Klikńće w dialogu na rajtark Ramiki.

4. Wubjerće ramikowe nastajenja, kotrež chceće nałožić a klikńće na W porjadku.

Nastajenja we wobłuku Linijowy porjad dadźa so wužiwać, zo byšće wjacore ramikowe stile nałožił.

Wuběr celow

Wotwisujo wot wuběra celow wobłuk hinak wupada.

Wuběr	Linijowy porjad (wobłuk)
Jedna cela
Cele w špalće
Cele w lince
Cele w bloku 2 x 2 abo wjace

Standardne nastajenja

Klikńće na jedyn ze symbolow pod Přednastajenja, zo byšće wjacore ramiki nastajił abo wróćo stajił.

• Ćeńke šěre linije w symbolu ramiki pokazuja, kotrež so wróćo stajeja abo zhašeja.

• Ćmowe linije w symbolu linije pokazuja, kotrež so z wubranym linijowy stilom a wubranej barbu nastajeja.

• Tołste šěre linije w symbolu linije pokazuja, kotrež so njeměnjeja.

Přikłady

Wubjerće blok 8 x 8 celow a potom Format – Cele… – Ramiki.

• Klikńće na lěwy symbol, zo byšće wšě linije zhašał. To wšě wonkowne, wšě nutřkowne a wšě diagonalne linije wotstroni.

• Klikńće na druhi symbol wotlěwa, zo byšće wonkowny ramik nastajił a wšě druhe linije wotstronił.

• Klikńće na symbol naprawo wonka, zo byšće wonkowny ramik nastajił. Nutřkowne linije so njeměnjeja, jenož diagonalne linije so wotstronja.

Nětko móžeće wupruwować, kotre linije druhe symbole nastajeja abo wotstronjeja.

Swójske nastajenja

We wobłuku Swójski móžeće kliknyć, zo byšće jednotliwe linije přidał abo wotstronił. Přehlad linije w třoch rozdźělnych stawach pokazuje.

Klikńće wospjet na kromu abo róžk, zo byšće tři rozdźělne stawy přeběžał.

Linijowe typy	Wobraz	Woznam
Čorna linija		Čorna linija wotpowědnu liniju wubranych celow nastaja. Linija so jako dypkowana linija pokazuje, hdyž linijowy stil 0,05 pt wuběraće. Dwójne linije so pokazuja, hdyž stil dwójneje linije wuběraće.
Šěra linija		Šěra linija so pokazuje, hdyž so wotpowědna linija wubranych celow njeměnja. Linija so na tutej poziciji njepřidawa abo njewotstronja.
Běła linija		Běła linija so pokazuje, hdyž so wotpowědna linija wubranych celow wotstronja.

Přikłady

Wubjerće jednotliwu celu a potom Format – Cele… – Ramiki.

Klikńće na lěwu kromu, zo byšće ćeńku liniju jako ramik přidał. Wšě druhe linije so z cele wotstronjeja.

Wubjerće tołši linijowy stil a klikńće na delnju kromu. To tołšu liniju jako delni ramik nastaja.

Klikńće na druhi symbol wotlěwa pod Přednastajenja, zo byšće wšě štyri ramiki nastajił. Klikńće potom wospjet na delnju kromu, doniž so běła linija njepokazuje.

Móžeće rozdźělne linijowe typy a linijowe stile kombinować. Posledni wobraz pokazuje, k móžeće tołste wonkowne ramiki (tołste čorne linije) pokazuje, diagonalne linije w celi wšak njezměnite wostanu (šěre linije).