Awtomatiski filter nałožić
Funkcija Awtomatiski filter kombinaciske polo do jedneje datoweje špalty abo do wjacorych datowych špaltow zasadźuje, kotrež wam zmóžnja, datowe sadźby (linki) wubrać, kotrež so maja pokazać.
-
Wubjerće špalty, na kotrež chceće funkciju awtomatiskeho filtra nałožić.
-
Wubjerće Daty –Awtomatiski filter. Šipki kombinaciskeho pola su w prěnjej lince wubraneho wobłuka widźomne.
-
Klikńće na wuběranski šipk w špaltowej hłowje a wubjerće zapisk, zo byšće filter nałožił.
Jenož te linki, kotrychž wobsah filtrowym kriterijam wotpowěduje, so pokazuja. Druhe linki so won filtruja. Po přetorhnjenym linkowym čisłowanju móžeće spóznać, hač linki su so won filtrowali. Špalta, kotraž je so za filter wužiła, da so po druhej barbje šipoweho tłóčatka spóznać.
Hdyž přidatny awtomatiski filter na druhu špaltu filtrowaneho datoweho wobłuka nałožujeće, druhe kombinaciske pola jenož filtrowane daty pokazuja.
Zo byšće wšě datowe sadźby zaso pokazał, wubjerće kóždy zapisk w kombinaciskim polu awtomatiskeho filtra. Jeli Standard wuběraće, so dialog jewi, kotryž wam zmóžnja, standardny filter nastajił. Wubjerće „Najwyše 10“, zo byšće jenož najwyše 10 pokazał.
Zo njebyšće awtomatiski filter hižo wužiwał, wubjerće wšě cele znowa, kotrež sće w kroku 1 wubrał a wubjerće znowa Daty – Awtomatiski filter.
Zo byšće rozdźělnym tabelam rozdźělne awtomatiske filtry připokazał, dyrbiće najprjedy wobłuk datoweje banki w kóždej tabeli definować.
Aritmetiske funkcije tež te cele wobkedźbuja, kotrež nałoženeho filtra dla widźomne njejsu. Suma cyłeje špalty na přikład tež hódnoty we wufiltrowanych celach hromadu liči. Nałožće funkciju MJEZYWUSLĚDK, jeli so maja jenož cele wobkedźbować, kotrež su widźomne po nałožowanju filtra.