Zmylkowe kody w LibreOffice Calc

Slědowaca tabela je přehlad zmylkowych zdźělenkow za LibreOffice Calc. Jeli zmylk w celi nastawa, kotraž kursor wobsahuje, so zmylkowa zdźělenka w statusowej lajsće pokazuje.

Zmylkowy kod	Zdźělenka	Rozjasnjenje
###	žadyn	Cela šěroka dosć njeje, zo by wobsah pokazała.
#FMT	žadyn	Tuta hódnota je zwonka mjezow, kotrež su płaćiwe za tutón format
#ND	Njeje k dispoziciji	Wuslědk za formlowy wuraz k dispoziciji njeje.
501	Njepłaćiwe znamješko	Znamješko w formli płaćiwe njeje.
502	Njepłaćiwy argument	Funkciski argument płaćiwy njeje. Wužiwajće na přikład prošu IMKORJEŃ() za negatiwnu ličbu město funkcije KORJEŃ().
503 #NUM!	Njepłaćiwa operacija běžaceje komy	Wobličenje k přeběžkej definowaneho hódnotneho wobłuka wjedźe.
504	Zmylk w parametrowej lisćinje	Funkciski parameter płaćiwy njeje, na přikład tekst město ličby.
507, 508	Zmylk w spinkach	Spinka faluje, na přikład začinjaca spinka eksistuje, ale wočinjaca spinka nic
509	Falowacy operator	Operator faluje, na přikład "=2(3+4) * ", hdźež operator mjez "2" a "(" faluje.
510	Falowaca wariabla	Wariabla faluje, na přikład "=1+*2", hdyž dwaj operatoraj stej jedyn pódla druheho.
511	Falowaca wariabla	Funkcija sej wjace wariablow hač podate wužaduje, na přikład A() a ABO().
512	Formla je předołha	Kompajler: Cyłkowna ličba nutřkownych znamješkow (t. r. operatory, wariable, spinki) w formli 8192 překročuje.
513	Znamješkowy rjećazk je předołhi	Kompajler: Identifikator w formli wulkosć 1024 znamješkow překročuje (kodowe dypki UTF-16). Interpreter: wuslědk operacije znamješkoweho rjećazka by wulkosć 256 milionow znamješkow (kodowe dypki UTF-16, tuž 512 MiB) překročił.
514	Nutřkowny přeběžk	Nutřkowny wobličenski staplowy přeběh je so stał.
515	Nutřkowny syntaksowy zmylk	Njeznaty zmylk.
516	Nutřkowny syntaksowy zmylk	Matriks so w ličenskim staplu wočakuje, kotraž wšak k dispoziciji njeje.
517	Nutřkowny syntaksowy zmylk	Njeznaty kod, na přikład so dokument z nowšej funkciju w staršej wersiji začita, kotraž funkciju njewobsahuje.
518	Nutřkowny syntaksowy zmylk	Wariabla k dispoziciji njeje
519 #HÓDNOTA!	Žana hódnota (město Err:519 cela #HÓDNOTA! pokazuje)	Formla hódnotu přinjese, kotraž definiciji njewotpowěduje; abo cela, kotraž so w formli referencuje, tekst město ličby wobsahuje.
520	Nutřkowny syntaksowy zmylk	Kompajler njeznaty kompajlerowy kod wutworja.
521 #NULL!	Žadyn kod abo přerěz.	Žadyn kod abo žadyn wuslědk.
522	Cirkularny poćah	Formla so direktnje abo indirektnje na so poćahuje a nastajenje Iteracije njeje pod – LibreOffice Calc – Wuličić stajene.
523	Ličenska metoda njekonwerguje	Funkciji cilowa hódnota faluje abo iteratiwne poćahi minimalnu změnu z maksimalnymi krokami njedocpěwa, kotrež su nastajene.
524 #REF!	Žadyn płaćiwy poćah (město Err:524 cela #REF! pokazuje)	Kompajler: Wopisanske mjeno špalty abo linki njeda so rozwjazać. Interpreter: W formli špalta, linka abo tabela faluje, kotraž referencowanu celu wobsahuje.
525 #MJENO?	Njepłaćiwe mjena	Identifikator njeda so wuhódnoćić, na přikład njeje žadyn poćah, žane płaćiwe funkciske mjeno, žadyn popis špalty abo linki, žane makro, wopačne decimalne dźělatko abo přidatk njeje so namakał.
527	Nutřkowny přeběžk	Interpreter: Poćahi, na přikład, hdyž so cela na celu referencuje, su přejara zakapslowane.
530	Žadyn tykač	Interpreter: Tykač njeje so namakał.
531	Žane makro	Interpreter: Makro njeje so namakało.
532 #DIW/0!	Diwizija přez nulu	Diwizijny operator / jeli mjenowak je 0 Někotre dalše funkcije tutón zmylk wróćeja, na přikład: WARIANCY z mjenje hač 1 argumentom STWOTCHN z mjenje hač 1 argumentom WARIANCA z mjenje hač 2 argumentomaj STWOTCH z mjenje hač 2 argumentomaj STANDARDIZACIJA ze stwotch=0 NORMROZDŹ z stwotch=0
533	Zakašćikowane pólne wariable so njepodpěruja.	Na přikład ={1;{2}}
538	Zmylk: Pólna wariabla abo wulkosć matriksy	Maksimalny limit za sortěrowanje je překročeny (maksimum je dwójce tak wysoki kaž ličba linkow, t. r. za 1048576 linkow 2097152 zapiskow). Samsny zmylk 538 so tež wužiwa, hdyž temporerna matriks njeda so swojeho wulkosćoweho žadanja dla přirjadować.
539	Njepodpěrany wobsah nutřkowneje pólneje wariable	Na přikład ={1+2}
540	Eksterny wobsah znjemóžnjeny	Stawa so, jeli so funkcija, kotraž sej (znowa)začitanje eksternych žórłow wužaduje, namaka a wužiwar hišće njeje wospjetne začitanje eksternych žórłow wobkrućił.