Funkciju wubrać

Zasadźće funkciju celoweho wobłuka do aktualneje cele. Funkcija móže Suma, Přerězk, Min, Maks a Ličba być. Klikńće do cele, potom na tutón symbol, wubjerće funkcije we wuběranskej lisćinje a přiměrće na přeće celowy wobłuk. Abo wubjerće někotre cele, do kotrychž so ma funkciska hódnota zasadźić a klikńće potom na symbol. Wuslědk funkcije so deleka we wobłuku přidawa.

Wubjerće funkciju, kotraž so bjez wubraneho wobłuka nałožuje

LibreOffice awtomatisce celowy wobłuk namjetuje, jeli tabelowy dokument daty wobsahuje. Jeli celowy wobłuk hižo funkciju wobsahuje, móžeće ju z nowej kombinować, zo byšće funkciju dóstał, kotraž so na daty wobłuka nałožuje. Jeli wobłuk filtry wobsahuje, so mjezysumowa funkcija město wubraneje funkcije zasadźuje.

Klikńće na symbol Přiwzać, zo byšće formlu wužiwał, kotraž so w zapodawanskej lince pokazuje abo na Přetorhnyć.

Wubjerće funkciju, kotraž so ma na wubrany wobłuk nałožić

Jeli wubrany wobłuk dwě lince abo wjace linkow ma, so funkcija za kóždu špaltu wobličuje. Wuslědki so w prózdnych celach w prěnjej k dispoziciji stejacej lince pod wobłukom placěruja, jedyn na špaltu.

Jeli wubrany wobłuk ma jednu linku, so wuslědk funkcije w prěnjej k dispoziciji stejacej celi naprawo pódla wubraneho wobłuka placěruje.