Macro Toolbar

Biblioteka

Wubjerće biblioteku, kotruž chceće wobdźěłać. Prěni modul biblioteki, kotryž wuběraće, so w Basic IDE pokazuje.

Kompilować

Kompiluje makro Basic. Dyrbiće makro kompilować, po tym zo sće jo změnił, abo jeli makro jednotliwe abo procedurowe kroki wužiwa.

Wuwjesć

Wuwjedźe prěnje makro aktualneho modula.

Zastajić

Zastaja wuwjedźenje aktualneho makra.

Procedurowy krok

Wuwjedźe makro a zastaja jo po přichodnej procedurje.

Jednotliwy krok

Wuwjedźe makro a zastaja jo po přichodnym přikazu.

Wróćoskok

Skaka wróćo k předchadnej rutinje w aktualnym makrje.

Zadźeržny dypk

Zasadźuje zadźeržny dypk w programowej lince.

Zadźeržne dypki rjadować

Wuwołuje dialog za rjadowanje zadźeržnych dypkow.

Wobkedźbowanje zmóžnić

Klikńće na tutón symbol, zo byšće sej wariable w makrje wobhladał. Wobsah wariable so w separatnym woknje pokazuje.

Objektowy katalog

Wočinja wobłuk Objekty, hdźež móžeće sej objekty Basic wobhladać.

Makra

Wočinja dialog Makro.

Module

Klikńće tu, zo byšće dialog Makra rjadować wočinił.

Spinki pytać

Wuzběhuje tekst, kotryž so přez dwě wotpowědowacej so spince wopřijima. Stajće tekstowy kursor před wočinjacu abo začinjacu spinku a klikńće potom na tutón symbol.

Žórłowy tekst zasadźić

Wočinja žórłowy tekst Basic we woknje Basic IDE.

Žórłowy tekst składować jako

Składuje žórłowy tekst wubraneho makra Basic.

Dialog importować

Wočinja dialog „Wočinić“, zo by dataju dialoga BASIC importował.

Jeli importowany dialog mjeno ma, kotrež w bibliotece hižo eksistuje, budźeće zdźělenske polo widźeć, hdźež móžeće importowany dialog přemjenować. W tutym padźe so dialog do přichodneho swobodneho „awtomatiskeho“ mjena přemjenuje, kaž hdyž so nowy dialog wutwori. Abo móžeće eksistowacy dialog přez importowany dialog wuměnić. Jeli na Přetorhnyć klikaće, so dialog njeimportuje.

Dialogi móža daty wo lokalizaciji wobsahować. Hdyž so dialog importuje, móže być, zo lokalizaciski status je wopačny.

Hdyž biblioteka přidatne rěče porno importowanemu dialogej wobsahuje, abo jeli importowany dialog docyła lokalizowany njeje, so přidatne rěče importowanemu dialogej z pomocu znamješkowych rjećazkow standardneje rěče dialog mjelčicy přidawaja.

Jeli importowany dialog přidatne rěče pornom bibliotece wobsahuje, abo jeli biblioteka docyła lokalizowana njeje, budźeće zdźělenske polo z tłóčatkami Přidać, Wuwostajić a Přetorhnyć widźeć.

• Přidać: Přidatne rěče z importowaneho dialoga so hižo eksistowacemu dialogej přidawaja. Resursy ze standardneje rěče biblioteki so za nowe rěče wužiwaja. To je tak, kaž byšće tute rěče manuelnje přidał.

• Wuwostajić: Rěčne nastajenja biblioteki njezměnjene wostanu. Resursy importowaneho dialoga za wuwostajene rěče so do biblioteki njekopěruja, ale wostanu w žórłowych datajach importowaneho dialoga.

Dialog eksportować

Tutón přikaz dialog „Składować jako“ w dialogowym editorje wuwołuje, zo byšće aktualny dialog BASIC eksportował.