Słužba ScriptForge.Platform

Słužba Platform zběrku kajkosćow wo aktualnej wuwjedźenskej wokolinje a konteksće skići, na přikład:

Hardwarowa platforma (architektura, ličba CPU, mašinowy typ atd.)
Informacije wo dźěłowym systemje (Typ dźěłoweho systema, wozjewjenje, wersija atd.)
Wersija LibreOffice
Aktualne wužiwarske mjeno

Wšě kajkosće słužby Platform su přećiwo pisanju škitane.

Słužbowe wuwołanje

Prjedy hač móžeće słužbu Platform wužiwa, dyrbiće biblioteku ScriptForge začitać abo importować:

• Makra Basic sej wužaduja, zo so biblioteka ScriptForge z pomocu slědowaceho přikaza začituje:
GlobalScope.BasicLibraries.loadLibrary("ScriptForge")

• Skripty Python sej import z modula scriptforge wužaduja:
from scriptforge import CreateScriptService

Slědowace přikłady w Basic a Python słužbu Platform instanciěruja a maja přistup ke kajkosći Architecture.

W Basic


      GlobalScope.BasicLibraries.LoadLibrary("ScriptForge")
      Dim platform As Variant
      platform = CreateScriptService("Platform")
      MsgBox platform.Architecture

W Python


      from scriptforge import CreateScriptService
      svc = CreateScriptService("Platform")
      bas = CreateScriptService("Basic")
      bas.MsgBox(svc.Architecture)

Kajkosće

Mjeno	Přećiwo pisanju škitany	Typ	Wopisanje
Architecture	Haj	String	Hardwarowa bitowa architektura. Přikład: '32bit' abo '64bit'
ComputerName	Haj	String	Syćowe mjeno ličaka.
CPUCount	Haj	Integer	Ličba centralnych předźěłanskich jednotkow (CPU).
CurrentUser	Haj	String	Mjeno tuchwilu přizjewjeneho wužiwarja.
Extensions	Haj	Matriks znamješkowych rjećazkow	Wróći matriks znamješkowych rjećazkow na nulowej bazy, kotraž interne ID wšěch instalowanych rozšěrjenjow wobsahuje.
FilterNames	Haj	Matriks znamješkowych rjećazkow	Wróći njesortěrowanu matriks znamješkowych rjećazkow na nulowej bazy, kotraž mjena importowych a eksportowych filtrow za dokumenty wobsahuje.
Fonts	Haj	Matriks znamješkowych rjećazkow	Wróći matriks znamješkowych rjećazkow na nulowej bazy, kotraž mjena wšěch pisma wobsahuje, kotrež su k dispoziciji.
FormatLocale	Haj	String	Wróći narodnu šemu, kotraž so za ličby a datumowe podaće wužiwa, jako znamješkowy rjećazk w formaće „la-CO“ (rěč-KRAJ).
Locale	Haj	String	Wróći narodnu šemu dźěłoweho systema jako znamješkowy rjećazk w formaće „la-CO“ (rěč-KRAJ). To kajkosći SystemLocale wotpowěduje.
Machine	Haj	String	Mašinowy typ. Přikłady su: 'i386' abo 'x86_64'.
OfficeLocale	Haj	String	Wróći narodnu šemu wužiwarskeho powjercha jako znamješkowy rjećazk w formaće "la-CO" (rěč-KRAJ).
OfficeVersion	Haj	String	Woprawdźita wersija LibreOffice, zwuraznjena jako ' LibreOffice w.x.y.z (The Document Foundation)'. Přikład: 'LibreOffice 7.4.1.2 (The Document Foundation, Debian and Ubuntu)'
OSName	Haj	String	Typ dźěłoweho systema. Přikład: 'Darwin, Linux' abo 'Windows'.
OSPlatform	Haj	String	Jednotliwy znamješkowy rjećazk, kotryž platformu, na kotrejž bazuje, z tak wjele wužitnymi a wot ludźi čitajomnymi informacijemi kaž móžno identifikuje. Přikład: 'Linux-5.8.0-44-generic-x86_64-with-glibc2.32'
OSRelease	Haj	String	Wersija dźěłoweho systema. Přikład: '5.8.0-44-generic'
OSVersion	Haj	String	Build abo wersija dźěłoweho systema. Přikład: '#50-Ubuntu SMP Tue Feb 9 06:29:41 UTC 2021'
Printers	Haj	String array	Lisćina ćišćakow, kotrež su k dispoziciji, jako na nulu bazowaca matriks. Standardny ćišćak so na prěnju poziciju lisćiny staja (indeks = 0).
Processor	Haj	String	Woprawdźite mjeno procesora. Přikład: 'amdk6'. Tuta kajkosć móže samsnu hódnotu kaž kajkosć Machine wróćić.
PythonVersion	Haj	String	Wróći wersiju interpretera Python, kotraž so wužiwa, jako znamješkowy rjećazk w formaće „Python major.minor.patchlevel“ (na př. „Python 3.9.7“).
SystemLocale	Haj	String	Wróći narodnu šemu dźěłoweho systema jako znamješkowy rjećazk w formaće „la-CO“ (rěč-KRAJ). To kajkosći Locale wotpowěduje.
UntitledPrefix	Haj	String	Wróći prefiks, kotryž so wužiwa, zo by nowe dokumenty pomjenował („Untitled“ jendźelsce).
UserData	Haj	Dictionary	Wróći instancu ScriptForge.Dictionary, kotraž pory klučow a hódnotow nastupajo dialog Nastroje – Nastajenja… – Wužiwarske daty wobsahuje.

Wobšěrna identifikacija mjena dźěłoweho systema je přez formlu INFO("system") Calc k dispoziciji.

Přikład:

W Basic

Slědowace přikłady w Basic a Python ilustruja, kak ma so kajkosć Fonts wužiwać, zo bychu so mjena wšěch pisma, kotrež su k dispoziciji, do aktualneje tabele Calc pisali, započinajo z celu „A1“:


    Dim oDoc as Object
    Dim allFonts as Object
    Dim svcPlatform as Object
    Set oDoc = CreateScriptService("Calc")
    Set svcPlatform = CreateScriptService("Platform")
    allFonts = svcPlatform.Fonts
    oDoc.setArray("~.A1", allFonts)

Slědowacy přikład demonstruje, kak so tabela Calc ze wšěmi hódnotami wutworja, kotrež su w kajkosći UserData składowane, kotraž je instanca słužby Dictionary:


    Dim svcPlatform as Object, oUserData as Object, oDoc as Object
    Dim arrUserData As Object, currCell As String
    Set svcPlatform = CreateScriptService("Platform")
    oUserData = svcPlatform.UserData
    arrUserData = oUserData.ConvertToArray()
    Set oDoc = CreateScriptService("Calc", ThisComponent)
    oDoc.SetArray("~.A1", Array(Array("Key", "Value")))
    oDoc.SetArray("~.A2", arrUserData)

W Python

Přikłady horjeka dadźa so w Python takle pisać:


    from scriptforge import CreateScriptService
    bas = CreateScriptService("Basic")
    doc = CreateScriptService("Calc", bas.ThisComponent)
    svc_platform = CreateScriptService("Platform")
    all_fonts = svc_platform.Fonts
    doc.setArray("~.A1", all_fonts)


    from scriptforge import CreateScriptService
    bas = CreateScriptService("Basic")
    doc = CreateScriptService("Calc", bas.ThisComponent)
    svc_platform = CreateScriptService("Platform")
    user_data = svc_platform.UserData
    arr_user_data = [[key, user_data[key]] for key in user_data]
    doc.SetArray("~.A1", (("Key", "Value"),))
    doc.SetArray("~.A2", arr_user_data)

Wšě rutiny Basic ScriptForge abo identifikatory, kotrež so z podsmužku „_“ započinaja, su za interne wužiwanje wuměnjene. Njejsu za to myslene, so w makrach Basic abo skriptach Python wužiwać.

Dźěłowy system identifikować

Informacije platformy z formlu Calc INFO("system")

GetGuiType Function

Biblioteka Tools