Słužba SFDocuments.Chart

Słužba Chart sadźbu kajkosćow a metodow za wobchadźenje z diagramami w dokumentach Calc skići. Z tutej słužbu je móžno:

• Přistup k diagramowym objektam w dokumentach Calc a wobdźěłanje jich kajkosćow.

• Nowe diagramy do dokumenta Calc wutworić a zasadźić.

• Diagramy jako wobrazowe dataje eksportować.

Diagramowe mjena

Diagramy móža dwě rozdźělnej mjenje měć:

• Nutřkowne mjeno, kotrež so přez LibreOffice da, hdyž so diagramowy objekt wutworja (zwjetša "Objekt 1", "Objekt 2" atd.).

• Swójske mjeno, kotrež dadźa so přez kliknjenje z prawej tastu na diagram a wuběranje Mjeno… w kontekstowym meniju definować.

Słužba Chart w normalnym padźe swójske mjeno za přistup k diagramowemu objektej wužiwa. Jeli njeeksistuje, so nutřkowne mjeno wužiwa.

Słužbowe wuwołanje

Před wužiwanjom słužby Chart dyrbi so biblioteka ScriptForge začitać abo importować.

• Makra Basic sej wužaduja, zo so biblioteka ScriptForge z pomocu slědowaceho přikaza začituje:
GlobalScope.BasicLibraries.loadLibrary("ScriptForge")

• Skripty Python sej import z modula scriptforge wužaduja:
from scriptforge import CreateScriptService

Słužba Chart so ze słužboweje instancy Calc instancuje, pak z metodu Charts abo z metodu CreateChart.

Slědowacy přikład słužbowu instancu Chart z eksistowaceho diagrama w aktualnym dokumenće Calc wutworja:

    GlobalScope.BasicLibraries.LoadLibrary("ScriptForge")
    Dim oDoc as Object, oChart as Object
    Set oDoc = CreateScriptService("Calc")
    Set oChart = oDoc.Charts("Sheet1", "Object 1")
  

Slědowacy přikład słužbu Chart přez wutworjenje noweho diagramoweho objekta na zakładźe datow instancuje, kotrež su we wobłuku "Sheet1.A1:C10" wopřijate.

    Dim oDoc as Object, oChart as Object
    Set oDoc = CreateScriptService("Calc")
    Set oChart = oDoc.CreateChart("My Chart", "Sheet1", "Sheet1.A1:C10")
  

Čitajće metodowe wopisanje CreateChart, zo byšće wjace wo jeje argumentach zhonił.

Přikłady horjeka hodźa so w Python takle pisać:

    from scriptforge import CreateScriptService
    doc = CreateScriptService("Calc")
    chart = doc.Charts("Sheet1", "Object 1")
  

    doc = CreateScriptService("Calc")
    chart = doc.CreateChart("My Chart", "Sheet1", "Sheet1.A1:C10")
  

Kajkosće

Diagram wutworić

Wobhladajće sej slědowace daty we wobłuku "A1:B6" tabele z mjenom "Report".

Slědowace přikłady w Basic a Python pokazuja, kak móžeće linijowy diagram z legendami z tutych datow wutworić.

    oDoc = CreateScriptService("Calc")
    oChart = oDoc.CreateChart("Samples", "Report", "Report.A1:B6")
    oChart.ChartType = "Line"
    oChart.Legend = True
    oChart.Resize(1000, 1000, 25000, 15000)
  

    doc = CreateScriptService("Calc")
    chart = doc.CreateChart("Samples", "Report", "Report.A1:B6")
    chart.ChartType = "Line"
    chart.Legend = True
    chart.Resize(1000, 1000, 25000, 15000)
  

Diagram njetrjeba so w samsnej tabeli wutworić, hdźež daty su. Da so w eksistowacej tabeli w aktualnej dataji wutworić, hdyž tabelowe mjeno w druhim argumenće metody CreateChart podawaće.

Metody

ExportToFile

Składuje diagram jako wobrazowu dataju na podatym městnje. Wróći True, jeli wobrazowa dataja da so wuspěšnje wutworić.

chart.ExportToFile(filename: str, imagetype: str = "png", overwrite: bool = False): bool

filename: Identifikuje šćežku a datajowe mjeno, hdźež so wobraz składuje. Dyrbi so notacije dźeržeć, kotraž je w SF_FileSystem.FileNaming definowana.

imagetype: Mjeno wobrazoweho typa, kotryž so ma wutworić. Slědowace hódnoty so akceptuja: "gif", "jpeg", "png" (standard), "svg" a "tiff".

overwrite: Postaja, hač cilowa dataja da so přepisać (standard = False).

      oChart.ExportToFile("C:\Temp\myChart.svg", ImageType := "svg", Overwrite := True)
    

      chart.ExportToFile(r"C:\Temp\myChart.svg", imagetype="svg", overwrite=True)
    

Resize

Změni poziciju diagrama w aktualnej tabeli a měnja jeho šěrokosć a wysokosć. Wróći True, jeli změnjenje wulkosće bě wuspěšne.

chart.Resize([xpos: int], [ypos: int], [width: int], [height: int]): bool

xpos, ypos: Podawa nowe pozicije X a Y diagrama. Jeli so jedna tutych hódnotow wuwostaja abo jeli so negatiwne hódnoty podawaja, wotpowědne pozicije njezměnjene wostawaja.

width: Podawa nowu šěrokosć diagrama. Jeli so tutón argument wuwostaja abo jeli so negatiwna hódnota podawa, šěrokosć diagrama njezměnjeny wostawa.

height: Podawa nowu wysokosć diagrama. Jeli so tutón argument wuwostaja, abo jeli so negatiwna hódnota podawa, wysokosć diagrama njezměnjena wostawa.

Wšě argumenty so jako cyłe hódnoty podawaja, kotrež 1/100 milimetrej wotpowěduja.

      ' Změni jenož poziciji X a Y
      oChart.Rezise(1000, 3000)
      ' Změni jenož šěrokosć a wysokosć diagrama
      oChart.Resize(, , 25000, 12500)
      ' Argumenty klučowych słowow so podpěruja
      oChart.Resize(Width := 25000, Height := 12500)
    

      chart.Rezise(1000, 3000)
      chart.Resize(-1, -1, 20000, 20000)
      chart.Resize(width=25000, height=12500)
    

Wšě rutiny Basic ScriptForge abo identifikatory, kotrež so z podsmužku „_“ započinaja, su za interne wužiwanje wuměnjene. Njejsu za to myslene, so w makrach Basic abo skriptach Python wužiwać.