Integrated Development Environment (IDE) za Python konfigurować

Pisanje makrow Python sej přidatne konfiguraciske kroki wužaduje, zo by so IDE po wašej wólbje postajiła.

Na rozdźěl wot wuwiwanja rěčnych modulow Basic w LibreOffice dyrbi so za wuwiwanje skriptow Python za LibreOffice eksterny Integrated Development Environment (Integrowana wuwiwanska wokolina, IDE) konfigurować. Je wjele IDE k dispoziciji, kotrež wot započatkarjow do programowarjow Python dosahaja. Při wužiwanju IDE Python programowarjo z mnoholičbnych funkcijow kaž syntaksowe wuzběhnjenje, kodowe fałdowanje, klasowe přehladowanje, kodowe wudospołnjenje, přesadźenje kodowanskeho standarda, přez testy wodźene wuwiwanje, pytanje zmylkow, wersijowa kontrola a wjele wjace profituja. Za dalše informacije hlejće Designing & Developing Python Applications (jendźelsce) we wikiju wo konfiguraciji mosta mjez wašej IDE a běžacej instancu LibreOffice.

Rozšěrjenje APSO

Rozšěrjenje Alternative Python Script Organizer (APSO) wobdźěłowanje skriptow Python wosnadnja, předewšěm, hdyž su w dokumenće zasadźene. Z pomocu APSO móžeće swój preferowany editor žórłoweho koda konfigurować, integrowanu konsolu Python startować a skripty Python za zmylkami přepytować. Su rozšěrjenja, kotrež pomhaja, někajkežkuli UNO-objekty přepytować. Za dalše informacije hlejće Designing & Developing Python Applications (jendźelsce) za přidatne podrobnosće wo tajkich rozšěrjenjach.