Crear cartas modelo

Para crear unha carta modelo necesita un documento de texto que conteña campos para datos de enderezo e unha base de datos de enderezo. Combine despois os datos de enderezo e o documento de texto para imprimir cartas ou envialas por correo electrónico.

O Asistente de combinación de correspondencia axuda a crear cartas modelo.

Para crear unha carta modelo

1. Escolla Ferramentas - Asistente de combinación de correspondencia.

   Móstrase a caixa de diálogo Asistente de combinación de correspondencia. A continuación exemplifícase unha das maneiras posíbeis de navegar polas páxinas do asistente:

2. Seleccione Iniciar a partir dun modelo e prema no botón Explorar.

   Ve a caixa de diálogo Nova.

3. Seleccione Correspondencia comercial na lista da esquerda e despois Moderno na lista da dereita. Prema Aceptar para pechar a caixa de diálogo Modelos e prema Seguinte no asistente.

4. Seleccione Carta e prema en Seguinte.

5. Na seguinte etapa do asistente, prema no botón Seleccionar lista de enderezos para verificar se está a usar a lista de enderezo correcto. Se quere usar un bloque de dirección, seleccione un tipo de bloque de enderezo, igualar os campos de datos, se é necesario, e prema en Seguinte.

6. A seguir, siga o paso Crear saúdo. Desmarque a caixa Inserir saúdo personalizado. En Saúdo xeral seleccione o saúdo que debe aparecer no inicio das cartas.

7. Se quere poñer campos de combinación de correspondencia en calquera outro lugar do documento, seleccione a columna correspondente na súa fonte de datos de enderezos e, a continuación, arrastre e solte a cabeceira da columna ao documento onde desexa que estea o campo. Asegúrese de seleccionar a columna enteira.

8. Prema Seguinte e por último Concluír para crear a combinación de correspondencia.