Posicionamento de obxectos

Un obxecto, tal como unha imaxe ou un cadro, está colocado dentro dun documento por medio dunha áncora que vai ligada a outro elemento.

Unha áncora determina o punto de referencia dun obxecto. O punto de referencia podería ser a páxina ou marco no que estea o obxecto, un parágrafo ou mesmo un carácter. Un obxecto ten sempre unha áncora.

Unha áncora móvese co elemento ao que está ligada segundo se edita o documento. Un obxecto retén a súa posición relativa ao punto de referencia determinado pola súa áncora de maneira que, sempre que se mova ou cambie o seu punto de referencia, o obxecto móvese en relación a el.

Están dispoñíbeis as opcións de ancoraxe seguintes:

Áncoraxe	Efecto
Como carácter	Áncora o obxecto seleccionado como carácter no texto actual. Se a altura do obxecto seleccionado é maior que o tamaño do tipo de letra, aumenta a altura da liña en que se atopa o obxecto. Para centrar imaxes dunha páxina HTML: Insira as imaxes, ancóreas "como carácter" e, a seguir, centre o parágrafo.
Ao carácter	Ancora o obxecto seleccionado ao parágrafo que contén o carácter ao que se anexou a áncora. O punto de referencia do obxecto é o inicio do parágrafo que contén o carácter. Por exemplo, se divide o parágrafo nun punto antes da áncora, o punto de referencia móvese ao inicio do novo parágrafo e o obxecto móvese en relación a ese punto. Se une o parágrafo ao que o precede, o punto de referencia móvese ao inicio do parágrafo combinado e o obxecto móvese a unha posición relativa a esa.
Ao parágrafo	Ancora o obxecto seleccionado ao parágrafo actual.
Á páxina	Ancora o obxecto seleccionado á páxina actual.
Ao marco	Áncora o obxecto seleccionado ao marco circundante.

Mover unha áncora

Ao inserir unha forma, caixa de texto, obxecto OLE, imaxe ou marco nun documento aparece unha icona dunha áncora no sitio no que o obxecto está ancorado. Pódese mover unha áncora ou, mantendo outras restricións de obxecto en mente, colocar un obxecto en relación ao punto de referencia da áncora arrastrando o obxecto.

Cambiar unha áncora

Para cambiar as opcións de ancoraxe dun obxecto, prema neste co botón dereito do rato e escolla unha opción no submenú Áncora.