Engadir á lista

Incluír os parágrafos seleccionados, sexan un elemento de lista ou non, como parte dunha lista

O formato de lista e o seu sangrado aplícanse aos parágrafos seleccionados. A posición dos parágrafos no documento non cambia.

Engadir entradas de lista consecutivas a unha lista inmediatamente anterior

1. Seleccione unha ou máis entradas de lista consecutivas, iniciando na primeira entrada, que desexe engadir á lista inmediatamente anterior.

2. Prema co botón dereito en calquera lugar da selección realzada, escolla Lista - Engadir á lista.

Engadir parágrafos seleccionados a unha lista

1. Seleccione os parágrafos que desexe engadir á lista, estean nunha lista ou non.

   Para seleccións múltiplas, manteña premida a tecla Ctrl após a primeira selección. Só hai que seleccionar un carácter de cada parágrafo para engadilo. A tecla Ctrl pódese soltar sen perder as seleccións, mais haina que premer sempre que se faga clic no documento para conservar a selección.

2. Manteña premida a tecla Ctrl, seleccione cando menos un carácter da lista e solte a tecla Ctrl.

3. Adopte un dos procedementos seguintes:

• Escolla Formato - Listas - Engadir á lista

• Na barra Viñetas e numeración prema na icona Engadir á lista.

• Prema co botón dereito en calquera lugar da selección realzada, escolla Lista - Engadir á lista.