Axuda do LibreOffice 24.2
LibreOffice Impress permite crear presentacións profesionais de diapositivas con gráficas, obxectos de debuxo, texto, multimedia e variedade de elementos. Se o desexa, pode importar e modificar as presentacións de Microsoft PowerPoint
Para que as presentacións de diapositivas sexan máis atractivas, pode utilizar técnicas de transición de diapositivas e multimedia.
Moitas das ferramentas para crear imaxes vectoriais en LibreOffice Draw están dispoñíbeis en LibreOffice Impress.
LibreOffice Impress fornécelle modelos para crear diapositivas de deseño profesional.
Tamén pode atribuír unha serie de efectos dinámicos ás diapositivas, como efectos de animación e transición.
Ao deseñar unha presentación de diapositivas, poden usarse varios tipos de visualizacións ou páxinas. Por exemplo, o Clasificador de diapositivas mostra unha presentación das diapositivas en miniatura, e a páxina Folletos contén tanto a diapositiva como o texto que pretende distribuír entre a audiencia.
LibreOffice Impress tamén permite facer probas cos intervalos de tempo da presentación de diapositivas.
Pode publicar as súas presentacións en pantalla, como folletos ou como documentos HTML.
LibreOffice Impress permite executar presentacións de diapositivas de maneira automática ou manual.