Imprimir presentacións

Configuración predefinida de impresora

1. Para configurar as opcións predeterminadas de impresión do Impress do LibreOffice, escolla - Impress do LibreOffice - Imprimir.

Configurar opcións de impresión para a presentación actual

1. Escolla Ficheiro - Imprimir.

2. Prema en LibreOffice Impress ou a lapela Opcións e escolla as opcións de impresión.

   Esta configuración anula as opcións de impresión predeterminadas en - Impress do LibreOffice - Imprimir só para o traballo de impresión actual.

Escoller un deseño de impresión para folletos

1. Escolla Ficheiro - Imprimir.

2. Na lapela Xeral da caixa de diálogo Imprimir, seleccione a entrada «Folletos» da caixa de lista Documento.

3. Seleccione o número de diapositivas a imprimir en cada páxina de papel.

Definición das opcións de impresión para folletos

1. Prema no separador Folleto.

2. Escolla Inserir - Números de páxina para abrir a caixa de diálogo Cabeceira e pé de páxina.

3. Prema Notas e folletos para introducir o texto de cabeceira e pé de páxina.

   Nesta caixa de diálogo vense catro áreas con caixas de verificación para Cabeceira, Data e hora, Rodapé e Número de páxina. Estas catro áreas corresponden coas catro áreas das esquinas da vista de principal de folleto.

4. Introduza texto para a cabeceira, pé de páxina e data. Marque a caixa Número de páxina, se desexa numerar as páxinas do folleto. Verifique se ten marcada a caixa Cabeceira no caso de desexar imprimir o texto de cabeceira.

5. Prema en Aplicar a todos.

   Os campos da vista principal de folleto non se actualizan na pantalla, mais o texto que introduza si se imprime.

Impresión de folletos e notas

1. Escolla Ficheiro - Imprimir.

2. Prema na lista de documentos e escolla o tipo de contido que desexe imprimir.

3. Seleccione Folletos ou Notas e seleccione o número de diapositivas que desexe imprimir en cada páxina do papel.

Imprimir un intervalo de diapositivas

1. Escolla Ver - Clasificador de diapositivas.

2. Manteña premida a tecla Maiús e prema no intervalo de diapositivas que desexe imprimir.

3. Escolla Ficheiro - Imprimir.

4. Na área Intervalo e copias, prema Diapositivas.

5. Introduza os números das diapositivas que desexe imprimir e prema en Aceptar.