Usar puntos de pegado

No Impress e no Draw pódenwse conectar dúas formas cunha liña chamada conector. Ao debuxar un conector entre formas, o conector lígase a un punto de pegado de cada forma. Cada forma ten varios puntos de pegado predefinidos e as posicións deses puntos de pegado predefinidos dependen da forma de que se trate. Pódense engadir puntos de pegado personalizados a unha forma e ligar conectores a eles.

Engadir e editar puntos de pegado

1. Siga un dos seguintes procedementos para que os puntos de pegado existentes estean visíbeis para todos os elementos:

• Prema na icona Puntos de pegado da barra de ferramentas Debuxo; ou

• Escolla Editar - Puntos de pegado.

2. Prema na icona Inserir puntos de pegado da barra de ferramentas Puntos de pegado.

3. Seleccione un elemento na diapositiva onde queira engadir puntos de pegado.

4. Prema dentro da forma onde queira engadir o novo punto de pegado.

   Se a forma está enchida, pode premer en calquera sitio dentro da forma. Se non o está, pode premer no bordo para inserir un punto de pegado. Unha vez inserido, pode arrastrar o punto de pegado para outro sitio dentro da forma.

Coas catro iconas a carón da icona Inserir Punto de pegado pódense escoller as direccións que se lle permitirán ao conectores ligados a ese punto de pegado. Pode escoller unha ou máis direccións para un punto de pegado determinado.

Se a icona Punto de pegado relativo está activa, o punto de pegado móvese ao redimensioar o obxecto para así manter a súa posición relativa aos bordos do obxecto.

Se a icona Punto de pegado relativo non está activa, as iconas próximas a el non aparecen en gris. Con estas iconas pódese decidir onde colocar un punto de pegado cando cambie o tamaño do obxecto.