Editar obxectos gráficos

Escolla Ver - Barras de ferramentas - Debuxo para abrir a barra de ferramentas Debuxo se aínda non o está.

Pode editar e modificar posteriormente os obxectos de debuxo. Os creados desta maneira considéranse imaxes vectoriais e poden escalarse libremente sen perda de calidade.

Para crear un rectángulo, prema a icona de rectángulo e mova o cursor ata o lugar do documento onde desexa situar un canto do rectángulo. Prema o botón do rato e mantéñao premido mentres o arrastra ata o canto oposto do rectángulo. O rectángulo insírese ao soltar o botón do rato, estará seleccionado e poderá editar as súas propiedades mediante o menú de contexto.

note

Para volver ao modo de texto normal despois de crear e editar obxectos de debuxo, prema unha área do documento que non conteña obxectos de debuxo nin outros obxectos. Se observa un cursor de debuxo, primeiro saia deste modo premendo a icona Seleccionar.


Precisamos da súa axuda!