Liña
Insire o contido do portapapeis onde se atope o cursor e substitúe calquera texto ou obxectos seleccionados
Nunha folla de cálculo, ao pegar un intervalo de celas do portapapeis, o resultado depende da selección actual: Se só se selecciona unha cela, o intervalo de celas pégase a partir desa cela. Se marca un intervalo de celas máis amplo que o intervalo de celas do portapapeis, o intervalo de celas pégase repetidamente para encher o intervalo de celas seleccionado.
Pegar contido no Calc do LibreOffice
Ao copiar unha cela ou un intervalo no Calc do LibreOffice a selección márcase con liñas descontinuas intermitentes ao redor do intervalo (as «formigas marchando») para indicar o que se estaba seleccionando durante a operación do portapapeis.
Hai dous xeitos de pegar o contido do portapapeis nun documento de folla de cálculo:
-
Mediante o atallo +V, a icona Pegar da barra de ferramentas ou mediante : o contido do portapapeis pégase na localización de destino e o portapapeis conserva o contido para máis operacións de pegado. A marca de selección copiada permanece activa.
-
Mediante a tecla Intro: o contido do portapapeis pégase unha vez e bórrase. Non é posíbel pegar máis veces o contido do portapapeis. A marca de selección copiada desactívase.
Para desactivar a marca de selección copiada prema a tecla Esc. O contido do portapapeis non se borra.
