Formatar números como texto

Pode formar números con texto no LibreOffice. Abra o menú de contexto dunha cela ou intervalo de celas e escolla Formatar celas - Números e alí seleccione «Texto» na lista Categoría. Todos os números que introduza a partir de entón no intervalo formatado serán interpretados como texto. Estes «números» mostraranse xustificados á esquerda, como calquera outro texto.

Se xa introduciu números normais nas celas e despois cambiou o formato desas celas a «Texto», os números ficarán como números normais. Non serán convertidos. Só os números introducidos posteriormente, ou os números que se editen, serán convertidos en números de texto.

Se decide introducir un número directamente como texto, introduza un apóstrofo (') primeiro. Por exemplo, para os anos nas cabeceiras de columna pode introducir '1999, '2000 e '2001. O apóstrofo non é visíbel na cela, só indica que a entrada debe ser recoñecida como texto. Isto é útil se, por exemplo, introduce un número de teléfono ou un código postal que comece por cero (0) porque un cero (0) no inicio dunha secuencia de díxitos sempre se elimina nos formatos de número normais.