Aplicar filtros avanzados

1. Copie as cabeceiras de columna dos intervalos da folla que quere filtrar nunha área baleira da folla e introduza os criterios do filtro nunha fila entre as cabeceiras. Os datos organizados horizontalmente nunha fila estarán sempre conectados loxicamente con E e os datos organizados verticalmente nunha columna estarán sempre conectados loxicamente con OU.

2. Unha vez creada unha matriz de filtro, seleccione os intervalos da folla que desexe filtrar. Abra a caixa de diálogo Filtro avanzado escollendo Datos - Máis filtros - Filtro avanzado e defina as condicións do filtro.

3. Despois prema Aceptar e verá que só son visíbeis as filas da folla orixinal cuxo contido satisfai os criterios de busca. As demais filas están agochadas temporalmente e pódense facer visíbeis de novo coa orde Formato - Filas - Mostrar.

Exemplo

Cargue unha folla de cálculo cun número grande de rexistros. Estamos a empregar un documento fictício Cifra de negocios, pero pode utilizar calquera outro documento. O documento ten o esquema seguinte:

	A	B	C	D	E
1	Mes	Estándar	Negocio	Luxo	Suite
2	Xaneiro	125600	200500	240000	170000
3	Febreiro	160000	180300	362000	220000
4	Marzo	170000			etc...

Copie a fila 1 coas cabeceiras de fila (nomes dos campos) na fila 20, por exemplo. Introduza as condicións de filtro ligadas con OU nas filas 21, 22, etc.

	A	B	C	D	E
20	Mes	Estándar	Negocio	Luxo	Suite
21	Xaneiro
22		>160000

Especifique que só se mostren as filas que teñan o valor xaneiro nas celas Mes OU un valor superior a 160 000 nas celas Estándar.

Escolla Datos - Máis filtros - Filtros avanzados e seleccione o intervalo A20:E22. Despois de premer en Aceptar só se verán as filas filtradas. O resto das filas ficarán agochadas.