Renomear follas

Definir os nomes das follas é importante para producir documentos de folla de cálculo lexíbeis e comprensíbeis.

Para renomear unha folla do documento:

1. Prema dúas veces na lapela da folla ou abra o seu menú de contexto e escolla Renomear folla. Aparece unha caixa de diálogo na que pode introducir un nome novo.

2. Introduza un nome novo para a folla e prema Aceptar.

3. Como alternativa, manteña premida a tecla e prema no nome de calquera folla e introduza o novo nome directamente.

Restricións nos nomes das follas

Os nomes das follas poden conter practicamente calquera carácter. Porén, existen algunhas restricións; os caracteres seguintes non están permitidos nos nomes das follas:

• dous puntos :

• barra invertida \

• barra /

• signo de interrogación ?

• asterisco *

• corchete esquerdo [

• corchete dereito ]

• aspas simples ' como primeiro ou último carácter do nome

As aspas simples teñen o código Unicode U+0027, coñecido tamén como apóstrofo. Están permitidos outros caracteres de aspas simples semellantes ao apóstrofo, como ʼ ‛ e ‚.

Empregar un prefixo predeterminado para os nomes das follas

Pode definir un prefixo para os nomes das follas novas que cree. Escolla - Calc do LibreOffice - Opcións predeterminadas e introduza un nome para o prefixo en Prefixo das follas novas.

Referenciar nomes de folla con caracteres especiais

Nas referencias a celas o nome da folla debe estar entre aspas simples ' cando o nome conteña caracteres que non sexan alfanuméricos ou o guión baixo. Unha única aspa contida dentro dun nome debe ser escapada duplicándoa (dúas aspas simples).

Por exemplo, para facer referencia á cela A1 nunha folla chamada Comida n'O Pindo.

A referencia debe ir entre aspas simples e esa aspa simple (apóstrofo, neste caso) dentro do nome ten que estar duplicada: 'Comida n''O Pindo'.A1.