Navegar polas lapelas das follas
Por omisión, o LibreOffice mostra unha folla, «Folla1» en cada documento de folla de cálculo novo. Pódense engadir follas empregano o botón (+) da parte de abaixo da pantalla e alternar entre as follas da folla de cálculo empregando as lapelas das follas.
Se as lapelas da folla non son visíbeis escolla para que se vexan na parte inferior da pantalla.
Os botóns de navegación actívanse cando o número de follas do documento é maior que o número de follas que aparecen na barra de navegación de follas.
Empregue os botóns de navegación para mostrar todas as follas que pertenzan ao documento. Ao premer o botón da esquerda de todo ou da dereita de todo vense, respectivamente, a primeira ou a derradeira lapela. Os botóns do medio permiten desprazarse para adiante e para atrás polas lapelas das follas. Para mostrar a propia folla prema na súa lapela.
Botón esquerdo do rato: Engade unha folla en branco nova á dereita da folla actual.
Botón dereito do rato: Abre un submenú con todas as follas non marcadas como agochadas. Prema no nome dunha folla para ir a ela. As follas ocultas non se listan no submenú.