Introducir fórmulas
Pode introducir fórmulas de varios xeitos: empregando as iconas ou escribindo no teclado ou cunha combinación dos dous métodos.
-
Prema na cela na que queira introducir a fórmula.
-
Prema na icona Fórmula da barra de fórmulas.
Verá un signo de igual na liña de entrada e xa pode comezar a introducir a fórmula.
-
Despois de introducir os valores requiridos prema Intro ou Aceptar para inserir o resultado na cela activa. Se desexa limpar a entrada da liña de entrada prema Escape ou Cancelar.
Tamén pode introducir os valores e as fórmulas directamente nas celas, vesmo se non pode ver un cursor de entrada. As fórmulas deben ir sempre precedidas do signo de igual.
Tamén pode premer as teclas + ou - do teclado numérico para iniciar unha fórmula. O bloqueo numérico debe estar activo. Prema, por exemplo, as teclas seguintes sucesivamente:
+ 5 0 - 8 Intro
Verá o resultado 42 na cela. A cela contén a fórmula =+50-8.
Se está a editar unha fórmula con referencias, as referencias e as celas asociadas estarán realzadas coa mesma cor. Entón pode modificar o tamaño do bordo de referencia empregando o rato e a referencia da fórmula que aparece na liña de entrada tamén cambia. Mostrar referencias en cores pode deactivarse en LibreOffice - PreferenciasFerramentas - Opcións - Calc do LibreOffice - Ver.
Se se produce un erro ao crear a fórmula aparece unha mensaxe de erro na cela activa.