Atopar e substituír no Calc
Nos documentos de folla de cálculo pode encontrar palabras, formatos e estilos. Pode navegar dun resultado a outro ou pode realzar todos as celas que concidan simultaneamente e, a seguir, aplicar outro formato ou substituír o contido das celas por outro distinto.
A caixa de diálogo Atopar e substituír
As celas poden conter texto ou números que se introducisen directamente como nun documento de texto. Mais as celas tamén poden conter texto ou números que sexan o resultado dun cálculo. Se, por exemplo, unha cela contén a fórmula =1+2, o que mostra é o resultado 3. Vostede ten que decidir se buscar 1, 2 ou 3.
Para atopar fórmulas ou valores
Na caixa de diálogo Atopar e substituír pode especificar se atopar as partes dunha fórmula ou os resultdos dun cálculo.
-
Escolla Editar - Atopar e substituír para abrir a caixa de diálogo Atopar e substituír.
-
Prema en Máis opcións para expandir a caixa de diálogo.
-
Seleccione «Fórmulas» ou «Valores» na caixa de lista Buscar en.
Con «Fórmulas» atópanse todas as partes das fórmulas.
Con «Valores» atópanse os resultados dos cálculos.
O contido das celas pódese formatar de diferentes maneiras. Por exemplo, un número pode ter formato de moeda e mostrarse cun símbolo de moeda. Estes símbolos inclúense nas buscas se a opción de busca Vista formatada está activada.
Atopar texto
-
Escolla Editar - Atopar e substituír para abrir a caixa de diálogo Atopar e substituír.
-
Introduza o texto que desexe atopar na caixa de texto Atopar.
-
Prema Localizar ou Localizar todo.
Ao premer Atopar seguinte, o Calc selecciona a seguinte cela que conteña o texto. Pode ver e editar o texto e despois premer Atopar seguinte para avanzar até a seguinte cela que se atope.
-
Se pechou a caixa de diálogo, pode premer unha combinación de teclas (OrdeCtrl+Maiús+F) para atopar a cela seguinte sen abrir a caixa de diálogo.
-
Por omisión, o Calc busca na folla actual. Marque a opción Todas as follas para buscar en todas as follas do documento.
Ao premer Atopar todo, o Calc selecciona todas as celas que conteñan a entrada. Pódese, por exemplo, formatar todas as celas en grosa ou aplicar un estilo de cela a todas de vez.
O Navegador
-
Para abrir a xanela do Navegador escolla Editar - Navegador.
O Navegador é a ferramenta principal para atopar e seleccionar obxectos.
Empregue o Navegador para inserir obxectos e ligazóns do mesmo documento ou doutros documentos que haxa abertos.
