Celas con formato de moeda

No Calc do LibreOffice pódenselle dar aos números calquera formato de moeda. Ao premer a icona Moeda da barra Formato para formatar un número a cela recibe o formato de moeda predeterminado definido en - Idiomas e configuración local - Xeral.

No Calc do LibreOffice pódese definir que un número que se formate como «1.2345,50€» fique como euros noutro país e non se convirta en dólares.

Pode cambiar o formato monetario na caixa de diálogo Formatar celas (escolla a lapela Formatar - Celas - Números) con dúas opcións de país. Na caixa de combinación Idioma seleccione a opción básica para os separadores decimal e de millares. Na caixa de lista Formato pode seleccionar o símbolo monetario e a súa posición.

1. Por exemplo, se o idioma está definido como «Predeterminado» e a configuración local é Galego, o formato de moeda será «1.234,00€». Colócase un punto antes dos millares e unha vírgula antes dos decimais. Se despois se selecciona o formato de moeda subordinado «$ Inglés (EE.UU.)» na caixa de lista Formato terase o formato seguinte: «$ 1.234,00». Como se pode ver, os separadores fican igual. Só se cambiou e converteu o símbolo de moeda, mais o formato subxacente da notación permanece igual ao definido na configuración local.

2. Se, en Idioma, se convirten as celas a «Inglés (EE.UU)», a configuración local de lingua inglesa tamén se transfire e o formato de moeda predeterminado é agora «»1,234.00.