Consolidar datos

Durante a consolidación os contidos das celas de varias follas se combinan nun lugar.

Para combinar o contido de celas

1. Abra o documento que conteña os intervalos de celas que consolidar.

2. Escolla Datos - Consolidar para abrir a caixa de diálogo Consolidar.

3. Na caixa Área de datos de orixe seleccione un intervalo de celas de orixe para consolidar con outras áreas.

   Se o intervalo non ten nome prema no campo a carón de Área de datos de orixe. Aparece un cursor de texto intermitente. Escriba unha referencia para o primeiro intervalo de datos de orixe ou seleccione o intervalo co rato.

4. Prema Aceptar para inserir o intervalo seleccionado no campo Áreas de consolidación.

5. Seleccione intervalos adicionais e prema Engadir após cada selección.

6. Especifique onde quere mostrar o resultado seleccionando o intervalo de destino na caixa Copiar resultados a.

   Se o intervalo de destino non ten nome prema no campo a carón de Copiar resultados a e introduza a referencia ao intervalo de destino. Como alternativa, seleccione o intervalo empregando o rato ou coloque o cursor na cela superior esquerda do intervalo de destino.

7. Seleccione unha función na caixa Función. A función especifica como se vinculan os valores dos intervalos de consolidación. A función «Suma» é a opción predeterminada.

8. Prema Aceptar para consolidar os intervalos.

Configuración adicional

Prema Máis na caixa de diálogo Consolidar para mostrar opcións adicionais:

• Seleccione Ligar aos datos de orixe para inserir as fórmulas que xeran os resultados no intervalo de destino no canto dos resultados reais. Se vincula os datos, os valores modificados no intervalo de orixe actualízanse automaticamente no intervalo de destino.

  As referencias ás celas correspondentes no intervalo de destino insírense en filas consecutivas, que se ordenan automaticamente e se agochan da vista. Só se mostra o resultado final, baseado na función seleccionada.

• En Consolidar por seleccione Etiquetas de fila ou Etiquetas de columna se as celas do intervalo de datos de orixe non se teñen que consolidar de acordo coa posición idéntica da cela no intervalo senón de acordo cunha etiqueta de fila ou de columna correspondente.

  Para consolidar por etiquetas de fila ou de columna, a etiqueta debe estar contida nos intervalos de orixe seleccionados.

  

  O texto das etiquetas debe ser idéntico, de xeito que as filas ou columnas se podan facer corresponder exactamente. Se a etiqueta de fila ou de columna non coincide con ningunha existente no intervalo de destino amecerase como fila ou columna nova.

  
  

Os datos dos intervalos de consolidación e o intervalo de destino gárdanse ao gardar o documento. Se posteriormente se abre un documento na que se definiu a consolidación, estes datos estarán dispoñíbeis de novo.