Asignar formatos por fórmula

Pódese engadir a función ESTILO() a unha fórmula existente nunha cela. Por exemplo, xunto coa función ACTUAL é posíbel colorar unha cela dependendo do seu valor. A fórmula =...+ESTILO(SE(ACTUAL()>3; "Vermello"; "Verde")) aplica o estilo de cela «Vermello» ás celas se o valor é maior de 3 e, se non, aplica o estilo de cela «Verde».

Se desexa aplicar unha fórmula a todas as celas dunha área seleccionada pode empregar a caixa de diálogo Atopar e substituír.

1. Seleccione todas as celas desexadas.

2. Seleccione a orde do menú Editar - Atopar e substituír.

3. No termo Atopar, introduza: .*

   ".*" é unha expresión regular que designa o contido da cela actual.

4. Introduza a fórmula seguinte no campo Substituír: =&+ESTILO(SE(ACTUAL()3;"Vermello";"Verde"))

   O símbolo «&» designa o contido actual do campo Atopar. A liña debe comezar cun signo de igual, dado que se trata dunha fórmula. Asúmese que os estilos de cela «Vermello» e «Verde» xa existen.

5. Marque os campos Expresións regulares e Só selección actual. Prema en Atopar todo.

   Todas as celas con contido que se incluíse na selección aparecerán realzadas.

6. Prema en Substituír todo.