Protexer celas de cambios

No Calc de LibreOffice pode protexer follas e documentos como un todo. Pode escoller se protexer as celas contra os cambios accidentais, se as fórmulas poden verse desde dentro do Calc ou se poden ser impresas.

A protección pode ser garantida mediante un contrasinal, mais non ten por que selo. Se se indicou un contrasinal, a protección só pode ser retirada unha vez introducido o contrasinal correcto.

Teña en conta que a protección para as celas co atributo Protexida só é efectiva cando se protexe toda a táboa. Na condición predeterminada, todas as celas teñen o atributo Protexida. Por tanto, haino que eliminar das celas nas que o usuario poida realizar cambios. A continuación, protexa toda a táboa e garde o documento.

warning

Estes recursos de protección son apenas conmutadores que impiden unha acción accidental. Os recursos non están pensados para fornecer unha protección segura. Por exemplo, simplemente exportando unha folla a outro formato de ficheiro é posíbel evitar esta técnica de protección. Só existe unha protección segura: o contrasinal que se aplica ao gardar un ficheiro de OpenDocument. Un ficheiro gardado con contrasinal só pode ser aberto co mesmo contrasinal.


  1. Seleccione as celas nas que desexa definir as opcións de protección de cela.

  2. Escolla Formato - Celas e prema na lapelaProtección de cela.

  3. Seleccione as opcións de protección que desexe. Todas as opción aplícanse só despois de protexer a folla desde o menú Ferramentas - consulte embaixo.

    Desmarque Protexida para permitir que o usuario cambie as celas seleccionadas actualmente.

    Seleccione Protexida para evitar cambios de contido e de formato nas celas.

    Seleccione Ocultar fórmula para ocultar e protexer as fórmulas dos cambios.

    Seleccione Ocultar durante a impresión para ocultar as celas protexidas en documentos impresos. As celas non están ocultas na pantalla.

  4. Prema en Aceptar.

  5. Aplique as opcións de protección.

    To protect the cells from being changed, viewed or printed according to your settings in the Format - Cells dialog, choose Tools - Protect Sheet.

    Para evitar que se cambien a estrutura do documento, por exemplo a cantidade, nomes e orde das follas, escolla Ferramentas - Protexer estrutura da folla de cálculo.

  6. (Opcional) Introduza un contrasinal.

    warning

    Se esquece o seu contrasinal non será posíbel desactivar a protección. Se só quere protexer as celas de posíbeis cambios accidentais, configure a protección de folla, mais non introduza ningún contrasinal.


  7. Prema en Aceptar.

Precisamos da súa axuda!