Códigos de erro do Calc do LibreOffice

A táboa seguinte é un resumo das mensaxes de erro do Calc do LibreOffice. Se o erro se produce na cela que contén o cursor, a mensaxe de erro móstrase na Barra de estado.

Código de erro	Mensaxe	Explicación
###	ningún	A cela non é suficientemente larga para mostrar o contido.
#FMT	ningún	Este valor fica fóra dos límites válidos para este formato
#N/D	Non dispoñíbel	Non hai resultado dispoñíbel para a expresión da fórmula.
501	Carácter non válido	O carácter nunha fórmula non é válido.
502	Argumento non válido	O argumento da función non é válido. Por exemplo, un número negativo para a función RAÍZC(). Pra a raíz cadrada de valores negativos empregue IMRAÍZ().
503 #NUM!	Operación non válida en punto flotante	Un cálculo provoca un erro de capacidade excedida no intervalo de valores definido.
504	Erro na lista de parámetros	O parámetro da función non é válido, por exemplo, texto no canto dun número.
507, 508	Erro: falta un par	Falta unha paréntese. Por exemplo, hai paréntese de pechamento, mais non paréntese de abertura.
509	Falta un operador	Falta o operador, por exemplo, "=2(3+4) * ", onde falta o operador entre "2" e "(".
510	Falta unha variábel	Falta unha variábel, por exemplo, cando dous operadores están xuntos "=1+*2".
511	Falta unha variábel	A función require máis variábeis das fornecidas, por exemplo E() e OU().
512	Fórmula excedente	Compilador: o número total de tokens internos (isto é , operadores, variábeis, parénteses) da fórmula excede os 8192.
513	Cadea de caracteres excedente	Compilador: un identificador da fila excede dos 1024 caracteres (codificación UTF-16). Intérprete: un resultado dunha operación de texto excedería dos 256 millóns de caracteres (codificación UTF-16, ou sexa 512MiB).
514	Fluxo excedente interno.	Produciuse un rebordo da pilla de cálculo interna.
515	Erro de sintaxe interno	Erro descoñecido.
516	Erro interno de sintaxe	Esperábase unha matriz na serie de cálculos, mais non se pode acceder a ela.
517	Erro interno de sintaxe	Código descoñecido, por exemplo, un documento cunha función máis actual cargalo cunha versión anterior que non contén a función.
518	Erro interno de sintaxe	Non é posíbel acceder á variábel
519 #VALOR!	Ningún valor (no canto de Err:519, a cela mostra #VALOR!)	A fórmula resulta nun valor que non corresponde á definición; ou a cela referida na fórmula contén texto no canto dun número.
520	Erro interno de sintaxe	O compilador crea un código de compilación descoñecido.
521 #NULL!	Sen código ou sen intersección.	Sen código ou sen resultado.
522	Referencia circular	A fórmula refírese directa ou indirectamente a si mesma e a opción Iteracións non está configurada en - Calc do LibreOffice - Calcular.
523	O procedemento de cálculo non converxe	Falta un valor de destino da función, ou as referencias iterativas non atinxen o cambio mínimo dentro dos pasos máximos estabelecidos.
524 #REF!	Non é unha referencia válida (no cato de Err:524, a cela mostra #REF!)	Compilador: non pode determinarse o nome dunha descrición de fila ou columna. Intérprete: nunha fórmula, falta a columna, a fila ou a folla que contén unha cela á que se fai referencia.
525 #NOME?	Nomes incorrectos.	Non foi posíbel avaliar un identificador. Por exemplo, non hai ningunha referencia válida, ningún nome de función válido, ningunha etiqueta de columna/fila, ningunha macro, divisor decimal incorrecto, suplemento non encontrado.
527	Fluxo excedente interno.	Intérprete: as referencias están demasiado encapsuladas. Por exemplo, cando unha cela fai referencia a outra.
530	Engadido inexistente	Intérprete:Engadido non atopado.
531	Ningunha macro	Intérprete: Macro non atopada.
532 #DIV/0!	División por cero	O operador de división / se o denominador é 0 Hai outras funcións que devolven este erro, como por exemplo: VARP con menos de 1 argumento DESVESTP con menos de 1 argumento VAR con menos de 2 argumentos DESVEST con menos de 2 argumentos NORMALIZAR con desviación_estándar=0 DISTNORM con desviación_estándar=0
533	Non se admiten matrices aniñadas	Por exemplo, ={1;{2}}
538	Erro: tamaño da matriz	Excedeuse do límite máximo para a ordenación (o máximo é dúas veces o número máximo de filas; polo tannto, para 1048576 filas 2097152 entradas. O mesmo erro Err:538 tamén se usa cando unha matriz temporal non pode ser asignada por causa do tamaño esixido.
539	Contido de matriz interna non admitido	Por exemplo, ={1+2}
540	Contido externo desactivado	Atopouse unha función que require (re)cargar fontes externas e o usuario aínda non confirmou que se recarguen as fontes externas.