Egoera barra

Egoera barrak uneko dokumentuari buruzko informazioa bistaratzen du eta funtzio bereziak dituzten hainbat botoi eskaintzen ditu.

Orrialde-zenbakia

Uneko orrialde-zenbakia eremu honetan edo egoera-barran bistaratuko da. Klik batek 'Joan orrialdera' irekitzen du, dokumentuan zehar nabigatu ahal izateko. Eskuineko klik batekin, dokumentuko laster-marka guztiak erakusten dira. Egin klik laster-marka batean testu-kurtsorea laster-markaren kokalekura eramateko.

Uneko orrialde-estiloa

Uneko Orrialde-estiloa bistaratzen du. Egin klik bikoitza estiloa editatzeko, eskuineko klik beste estilo bat hautatzeko.

Hizkuntza

Hautatutako testuaren hizkuntza bistaratzen du.
Egin klik menu bat irekitzeko eta hautatutako testurako edo uneko paragraforako beste hizkuntza bat aukeratzeko.
Aukeratu 'Bat ere ez' testuari ortografia-zuzenketa eta hitz-zatiketa ez aplikatzeko.
Aukeratu 'Berrezarri hizkuntza lehenetsia' hautapena edo paragrafoaren hizkuntza lehenetsia berriro aplikatzeko.
Aukeratu 'Gehiago' aukera gehiago dauzkan elkarrizketa-koadro bat irekitzeko.

Txertatze modua

Uneko txertatze modua bistaratzen du. INSRT = txertatu eta OVER = gainidatzi txandaka ditzakezu hemen.

Hautapen modua

Hemen hautapen modu desberdinak txandakatu daitezke.

Dokumentuko aldaketak

Dokumentuari egindako aldaketak gorde gabe badauze, * bistaratuko da eremu honetan Egoera barran. Dokumentu berri gorde gabeei ere aplikatzen zaie hori.

Sinadura digitala

Ikus hau ere: Sinadura digitalak.

Bistaratze konbinatua

Dokumentu aktiboari buruzko informazioa bistaratzen du.

Zooma eta ikuspegiaren diseinua

Writerren Egoera barrako hiru kontrolen bidez, testu-dokumentuen zooma alda dezakezu, eta haien diseinua bistaratu.

Diseinua bistaratzeko ikonoak ezkerretik eskuinera erakusten dira: Zutabe bakarreko modua. Orriak alboz albo erakusten dituen bistaratze modua. Aldi berean bi orri bistaratzen dituen liburu modua, irekitako liburu batean bezala.

Arrastatu zoomaren graduatzailea ezkerrerantz orri gehiago bistaratzeko, edo arrastatu eskuinera orri batean zoom egiteko eta orriaren eremu txikiagoa erakusteko.

Zooma

Uneko orrialdea bistaratzeko zoom-faktorea zehazten du.

Emaguzu laguntza!