Editatu

Menu horrek dokumentuaren edukia editatzeko komandoak ditu.

Desegin

Azken komandoa edo idatzitako azken sarrera desegiten du. Desegin nahi duzun komandoa hautatzeko, egin klik Estandarra barrako Desegin ikonoaren ondoan dagoen gezian.

Berregin

Azken Desegin komandoaren ekintza desegiten du. Desegin nahi duzun Desegin urratsa hautatzeko, egin klik Estandarra barrako Berregin ikonoaren ondoan dagoen gezian.

Errepikatu

Azken komandoa errepikatzen du. Writer eta Calc-en erabilgarri dago komando hau.

Ebaki

Hautapena kentzen du eta arbelean kopiatzen du.

Kopiatu

Hautapena arbelean kopiatzen du.

Itsatsi

Arbelaren edukia kurtsorearen kokalekuan txertatzen du, eta hautatuta dagoen edozer testu edo objektu ordezten du.

Itsatsi berezia

Arbeleko edukiak uneko fitxategian txertatzen ditu, baina zerorrek zehazten duzun formatuan.

Hautatu dena

Uneko fitxategi, marko edo testu-objektuaren eduki osoa hautatzen du.

Hautapen modua

Aukeratu azpimenuaren hautapen modua: hautapen modu normala edo bloke-hautapeneko modua.

Hautatu testua

Hautapen-kurtsore bat gaitu daiteke irakurtzeko soilik den dokumentu batean zein laguntza-orrietan. Aukeratu Editatu - Hautatu testua edo ireki irakurtzeko soilik den dokumentu baten laster-menua eta aukeratu Hautatu testua. Hautapen-kurtsoreak ez du keinurik egiten.

Bilatu

Txandakatu testuak bilatzea edo dokumentu batean elementuz elementu nabigatzea ahalbidetzen duen Bilatu tresna-barraren ikusgaitasuna.

Bilatu eta ordeztu

Uneko dokumentuan testua edo formatua bilatzen du edo ordezten du.

Joan orrialdera

Elkarrizketa-koadro bat irekitzen du zein orrialde-zenbaki erakutsi behar den adierazteko. (+G)

Jarraitu aldaketak

Fitxategiko aldaketen segimendua egiteko erabilgarriak diren komandoak zerrendatzen ditu.

Iruzkina

Iruzkinei erantzuteko, ebazteko edo ezabatzeko aukera ematen duen azpimenua erakusten du.

Erreferentzia

Oin-oharrak, amaiera-oharrak, indize-sarrerak eta bibliografia-sarrerak editateko aukerak eskaintzen dituen azpimenua.

Hiperesteka

Hiperestekak sortzeko eta editatzeko leihoa irekitzen da.

Eremuak

Elkarrizketa-koadro bat irekitzen du, eta hor eremuen propietateak edita ditzakezu. Egin klik eremu baten aurrean, eta ondoren, aukeratu komando hau. Elkarrizketa-koadroan, gezi-botoiak erabil ditzakezu aurreko edo hurrengo eremura joateko.

Estekak kanpoko fitxategietara

Uneko dokumentua kanpoko fitxategiekin lotzen dituzten estekak kendu edo aldatu egin daitezke. Uneko fitxategiaren edukia eguneratu daiteke kanpotik estekatutako fitxategiaren azken bertsioarekin. Komando honek ez dio eragiten hiperestekei eta ez dago erabilgarri uneko dokumentuak ez badauka beste fitxategi batzuekin lotzen duen estekarik.

Objektua

Txertatu - Objektua komandoa erabilita zure fitxategian hautatutako objektu bat editatzea ahalbidetzen du.

Trukatu datu-basea

Aldatu uneko dokumentuaren datu-iturburuak. Txertatutako eremuen edukia behar bezala bistaratzeko, ordezko datu-baseak eremu-izen berdinak eduki behar ditu.

Zuzeneko kurtsore modua

Erabiltzaileak orrialde bateko edozein testu-lerrotan, hasieran, erdialdean zein amaieran, klik egin eta idazten hasi daiteke.

Edizio modua

Erabili Edizio modua ikonoa edizio modua aktibatzeko eta desaktibatzeko.

Emaguzu laguntza!